Әһли-Бејт (әлејһимус сәлам) – Хәбәр Аҝентлији АБНА-нын вердији мәлумата әсасән, Русија Мүдафиә Назирлијинин мәтбуат катиби ҝенерал-мајор Игор Конашенков ҝүндәлик мәтбуат конфрансында Русија ордусунун Украјна боју 118 һәрби објекти сырадан чыхардығыны вә Чернобыл Атом Електрик Стансијасынын нәзарәтдә олдуғуну билдириб.
Ҝенерал Русија ордусунун фәалијјәтинин иш гајдасында давам етдијини дејиб.
Игор Конашенков бәјан едиб ки, Украјнанын истисмардан чыхарылан һәрби објектләри арасында 11 һәрби һава лиманы, 13 нәзарәт-бурахылыш мәнтәгәси вә рабитә мәркәзи, 14 С-300 вә зенит-ракет комплекси, 36 радар стансијасы вар.
Русија Мүдафиә Назирлијинин сөзчүсү Украјна ордусуна мәхсус 5 дөјүш тәјјарәси, 1 һеликоптер, 18 танк вә диҝәр зиреһли дөјүш машынынын, 7 реактив јајлым атәшинин, 41 хүсуси тәјинатлы һәрби машынын вә 5 дөјүш катеринин Русија ордусу тәрәфиндән мәһв едилдијини ачыглајыб.
Диггәт: Хәбәрдән Истифадә Етдикдә Мәнбәјә Истинад Лазымдыр!
