АБНА24 Хәбәр Верир , Русија президенти Владимир Путинин дәвәти илә Москвада рәсми сәфәрдә олан Азәрбајҹан Республикасынын президенти Илһам Әлијев февралын 22-дә Русија дөвләтинин башчысы илә ҝөрүшүб.
Ҝөрүшдә президент И.Әлијев рәсми Москванын Ҹәнуби Гафгаз сијасәтиндән мәмнун галдығыны ифадә едиб. "Русија Азәрбајҹан вә Ермәнистан арасында мүһарибәнин дајандырылмасында чох мүһүм рол ојнады. Инди дә Ермәнистанла мүнасибәтләрин нормаллашмасында чох мүһүм, һәтта дејәрдим ки, апарыҹы рол ојнајыр. Биз бу ролу чох јүксәк гијмәтләндиририк вә үмид едирик ки, Ермәнистан тәрәфи дә бизим кими имзаланмыш сазишләрин бәндләрини иҹра едәҹәк", - дејә Азәрбајҹанын дөвләт башчысы гејд едиб.
Будәфәки сәфәринин хүсуси әһәмијјәт кәсб етдијини вурғулајан Азәрбајҹан президенти һәмчинин дејиб : "Мән президент кими 48-ҹи дәфәдир ки, Русијаја сәфәр едирәм, амма бу, хүсуси бир сәфәрдир, чүнки бу ҝүн биз чох ваҹиб, тарихи сәнәд имзалајырыг".
Кремлин аз әввәл јајдығы бәјаната әсасән Илһам Әлијевлә ҝөрүшү ачан Русија президенти Владимир Путин дә билдириб: "Бизим икитәрәфли мүнасибәтләримиздә мүһүм һадисәнин-дипломатик мүнасибәтләрин гурулмасынын 30 иллији әрәфәсиндә мүттәфиглик мүнасибәтләри барәдә бирҝә Бәјаннамә имзалајырыг. Бу, тамамилә ајдындыр ки, мүнасибәтләримизин јени инкишаф мәрһәләсидир вә шүбһәсиз ки, бу сона гәдәр низамланмамыш, амма һәллиндә ирәлиләјиш әлдә олунмуш мәсәләдә-Гарабағ низамланмасы мәсәләсиндә әлдә едилмиш наилијјәтдән сонра мүмкүн олду".
Путин сонра өлкәсинин Ҹәнуби Гафгазда бүтүн нәглијјат коммуникасијаларынын ачылмасында мараглы олдуғуну билдириб вә дејиб ки, бунда тәкҹә Азәрбајҹан вә Ермәнистан јох, Русија да мараглыдыр.
342/
23 fevral 2022 - 08:12
Xəbər kodu: 1232513
Президент Әлијев Русијанын Азәрбајҹан вә Ермәнистан арасында мүһарибәнин дајандырылмасында мүһүм рол ојнадығыны вә һазырда Ермәнистанла мүнасибәтләрин нормаллашмасында апарыҹы рол ојнамасыны јүксәк гијмәтләндириб.
