“Проблем АТӘТ МГ мандаты чәрчивәсиндә һәлл едилмәлидир”

АБНА24 Хәбәр Верир, Ермәнистан баш назиринин мүавини Һамбардзум Матосјан јанварын 31-дә АБШ-ын фөвгәладә вә сәлаһијјәтли сәфири Лин Трејсинин башчылыг етдији нүмајәндә һејәтини гәбул едиб.

Баш назир мүавининин идарәсиндән Ермәнистанын Иҹтимаи Радиосуна билдирилиб ки, Һамбардзум Матевосјан бу ҝөрүшдә АБШ-ын 1991-ҹи илдә мүстәгиллик әлдә етдији вахтдан Ермәнистанын јахын тәрәфдашы олдуғуну вурғулајыб.

Баш назир мүавини һәмчинин сон 30 илләр әрзиндә Ермәнистана олан дәстәји сәмәрәли адландырараг бунун демократик ҹәмијјәтин мөһкәмләндирилмәсинә, хүсусилә коррупсијаја гаршы мүбаризәјә, һабелә мәһкәмә вә полис ислаһатларынын һәјата кечирилмәсинә өз төһфәсини вердијини гејд едиб.

О сонра Дағлыг Гарабағ мүнагишәсинин јекун һәллиндә АТӘТ-ин Минск групунун һәмсәдри кими АБШ-ын ролуну вә миссијасыны јүксәк гијмәтләндириб.



Мәлуматда дејилир ки, АБШ сәфири Лин Трејси баш назирин мүавини илә Дағлыг Гарабағын статусу мәсәләсинин һәлл олунмамасы вә бу просесин АТӘТ-ин Минск Групу һәмсәдрләринин мандаты алтында һәјата кечирилмәли олмасы илә разылашыб.

Јери ҝәлмишкән билдирәк ки, америкалы дипломат өтән илин август ајы демишди: Гарабағ мүнагишәси һәлл олунмајыб, чүнки Дағлыг Гарабағын статусу һәлә мүәјјәнләшдирилмәјиб. "Биз Минск Групунун һәмсәдри кими ишләјәҹәјик, бу мөвгеләрдән вәзијјәтин ҝәрҝинлијини азалтмаға, инсидентләри арадан галдырмаға чалышаҹағыг ки, галан мәсәләләри, мүһарибәдән сонракы вәзијјәти вә диҝәр мәсәләләрин јекун тәнзимләнмәсини нәзәрдән кечирә биләк".

Ермәнистан АТӘТ-ин Минск групунун васитәчилијини даһа чох она ҝөрә дәстәкләјир ки, Мадрид сүлһ принсипләриндә әрази бүтөвлүјү илә јанашы халгларын өз мүгәддаратыны һәлл етмәк мүддәасы өз әксини тапыб.

Азәрбајҹан исә АТӘТ-ин Минск групунун фәалијјәтиндән наразыдыр вә бу наразылығы һәм 44 ҝүнлүк мүһарибә заманы, һәм дә мүһарибәдән сонра бир нечә дәфә тәкрарлајыб.

Президент Илһам Әлијевә ҝөрә, мүнагишәнин динҹ јолла низамланмасында АТӘТ-ин Минск групу һеч бир рол ојнаја билмәјиб вә Гарабағын статусу мәсәләси мөвҹуд дејил.



342/