АБНА24 Хәбәр Верир, бунунла бағлы мәсәлә “Дини етигад азадлығы һаггында” Гануна дәјишикликдә өз әксини тапыб. Дәјишиклијә әсасән, Ислам дининә аид ибадәт јерләринә вә зијарәтҝаһлара рәһбәрлик едән дин хадимләринин тәјинат сәлаһијјәти мүвафиг иҹра һакимијјәти органынын мүәјјән етдији органа верилир. Мүвафиг гурум тәјинатла бағлы садәҹә Гафгаз Мүсәлманлары Идарәсинә мәлумат верәҹәк.
Бу ганунун 8-ҹи маддәсинин һазыркы варианты исә беләдир: “Ислам дининә аид ибадәт јерләринә вә зијарәтҝаһлара рәһбәрлик едән дин хадимләри мүвафиг иҹра һакимијјәти органына мәлумат верилмәклә Гафгаз Мүсәлманлары Идарәси тәрәфиндән тәјин олунур.
Гануна дәјишикликләрин Милли Мәҹлисин Иҹтимаи бирликләр вә дини гурумлар комитәсинин иҹласында мүзакирә едилмәси нәзәрдә тутулур. Әҝәр дәјишикликләр реаллашарса, бу, фактики олараг ГМИ-нин мәсҹидләр үзәриндә тәсирини сыфыра ендирәҹәк вә онун дини сферада јеҝанә фәалијјәти дини тәгвимләрин, Мәһәррәм, Рамазан вә Гурбан бајрамларынын дахил олмасы илә бағлы фәтва вермәкдән о тәрәфә кечмәјәҹәк. Һәләлик Шејхүлислам бу мәсәләјә реаксија вермәјиб. Анҹаг иддиалара ҝөрә, о, дөвләтин мүвафиг гурумларынын рәһбәрлијинә бу дүзәлишә наразылығыны билдириб.
Милли Мәҹлисин Иҹтимаи бирликләр вә дини гурумлар комитәсинин үзвү, депутат Азәр Бадамов билдириб ки, бу дәјишикликләр ганунун тәкмилләшдирилмәси үчүн нәзәрдә тутулуб. Үмумиликдә дин саһәсиндә фәалијјәт тәкмилләшдирилир.
Дини мөвзулар үзрә ихтисаслашмыш журналист, експерт Кәнан Рөвшәноғлунун билдирдијинә ҝөрә, “Дини етигад азадлығы һаггында” Ганунун 8-ҹи маддәсинә тәклиф олунан дәјишикликдән сонра Гафгаз Мүсәлманлары Идарәси (ГМИ) мәсҹидләрә нәзарәти там итирәҹәк.
К.Рөвшәноғлунун фикринҹә, мәсҹидин имамы иҹма тәрәфиндән тәклиф олунмалы, мүвафиг гурумлар исә буну тәсдиг етмәлидир.
342/
31 yanvar 2022 - 19:53
Xəbər kodu: 1224687
Ислам дининә аид ибадәт јерләринә вә зијарәтҝаһлара рәһбәрлик едән дин хадимләринин тәјин едилмәси сәлаһијјәти Гафгаз Мүсәлманлары Идарәсиндән алына биләр.
