Рәшт-Астара дәмирјолунун тикинтиси диггәт мәркәзиндә сахланылыр

АБНА24 Хәбәр Верир, Рүстәм Гасими гејд едиб ки, Иранын мәгсәди Гафгаз, Русија вә Авропа өлкәләри илә транзит әлагәләри гурмагдыр. Бу мәгсәдлә Иранын шималындакы Ҝилан әјаләтиндә 165 километрлик Рәшт-Астара дәмирјолунун тикинтиси "Шимал-Ҹәнуб" дәһлизини активләшдирәҹәк.

Гасиминин фикринҹә, бу хәтт истисмара вериләндә Иран дәмирјоллары илә Азәрбајҹанын дәмирјоллары шәбәкәси бирләшәҹәк. Дәмирјолунун тикинтиси Иран президентинин Русијаја сәфәри заманы мүзакирә олунуб. Јахын вахтларда лајиһә үчүн малијјә ајрылараг тикинтијә башланаҹағы ҝөзләнилир.

Хатырладаг ки, “Шимал-Ҹәнуб” лајиһәсинин там ҝүҹү илә ишә дүшмәси үчүн әсас манеә Иран әразисиндәки Гәзвин-Рәшт-Астара дәмирјол хәттинин һәлә тикилиб баша чатмамасыдыр.

Үмумиликдә Астара-Рәшт һиссәсинин тикинтиси 2 милјард доллара баша ҝәләҹәк.

Гасими һәмчинин Астара терминалы илә бағлы дејиб ки, Азәрбајҹан Республикасы инвестисија илә бағлы өһдәликләринин бир һиссәсини јеринә јетириб. Терминалда проблемләр вар ки, онларын бир гисми Ирана, бир гисми исә Азәрбајҹана гајыдыр.

Онун фикринҹә, Азәрбајҹан Республикасынын президенти вә һөкумәти Иран Ислам Республикасы илә әлагәләрин ҝенишләндирилмәсинә хүсуси өнәм верир вә Азәрбајҹан вә Иран президентләри бундан сонра да әлагәләрин ҝенишләндирилмәсиндә мараглы олдугларыны билдирибләр.

О, Азәрбајҹан Республикасы илә Иран арасында тиҹарәт, игтисадијјат, енержи, ҝөмрүк вә инвестисија саһәләриндә дәрин әлагәләрә малик олдуғуну гејд едәрәк дејиб: Бу саһәләрдә бирҝә лајиһәләрин һәјата кечирилмәси үчүн ики өлкә арасында јахшы имканлар мөвҹуддур. Мәһз бу истигамәтдә Корона епидемијасынын сон ики илдә давам етмәсинә бахмајараг, Иран вә Азәрбајҹан Республикасы арасында тиҹарәт дөвријјәси сон ики илдә сон 11 ај бир ил әввәллә мүгајисәдә 30% чох олуб. Јол һәрәкәти дә 62,5% артыб вә бу мүддәт әрзиндә ики өлкә арасында јүкләрин транзити бир ҝүн белә дајанмајыб.

Рүстәм Гасими һәмчинин гоншуларла әлагәләрин инкишаф етдирилмәсини Иран һөкумәтинин приоритетләриндән бири кими гејд едиб вә Иранын Азәрбајҹан Республикасынын ишғалдан азад едилмиш әразиләриндә лајиһәләрин һәјата кечирилмәсиндә иштиракына тохунараг дејиб: Ишғалдан азад едилмиш торпагларын бәрпасында Иран ширкәтләри мүһүм рол ојнаја биләр.

342/