АБНА24 Хәбәр Верир,О, ики өлкәнин өзәл секторларынын гаршылыглы инвестисијалары, сәрһәд базарынын ишә салынмасы вә бирҝә сәнаје гәсәбәсинин јарадылмасы үзрә разылашманы бу сәфәрин наилијјәтләриндән адландырыб вә белә дејиб: Шәрги Азәрбајҹанын еһтијат һиссәләри дүзәлдән ширкәтләринин баҹарығына әсасән, бу ширкәтләрин иштиракы үчүн Азәрбајҹан Республикасында тракторгајырма кими ширкәтләрин нүмајәндәликләринин јарадылмасы разылашдырылды.
Хүррәм сонра белә гејд едиб: Азәрбајҹан Республикасынын азад едилмиш бөлҝәләриндән вә бу бөлҝәләрдә иҹра едилмәкдә олан лајиһәләрә дә там бахышлар һәјата кечирилди вә иранлы ширкәтләрин, хүсусән вилајәтин өзәл секторунун һәмин бөлҝәләрин јенидән гурулмасындакы иштирак саһәләри арашдырылды.
Иранын Шәрги Азәрбајҹан вилајәтинин валиси сонра белә гејд едиб: Бизим ширкәтләрин тәҹрүбәләринә вә азәрбајҹанлы тәрәфин мараг ҝөстәрмәсинә әсасән, гәрара алынды ки, өлкәмизин техники-мүһәндислик ширкәтләри вә подратчылар Азәрбајҹан Республикасынын азад едилмиш бөлҝәләринин јенидән гурулмасында фәал иштирака малик олмуш олсунлар.
О, әлавә едиб: Енержи секторунда да Азәрбајҹан Республикасы тәрәфиндән Худафарин су бәндиндә електрик истеһсалы турбинләринин гурашдырылмасы вә бу су бәндиндән ортаг истифадә тәрзи илә бағлы лазыми разылашмалар әлдә едилди.
Шәрги Азәрбајҹан валиси даһа сонра белә гејд едиб: Нахчывандан Тәбризә бирбаша дәмирјолу хәттинин, һәмчинин Тәбриз-Бакы авиахәттинин јарадылмасы вә Шәрги Азәрбајҹан сәрһәди васитәсилә туризм саһәсинин, хүсусән сағламлыг туризминин ҝүҹләндирилмәси бу сәфәрдә әлдә олунмуш диҝәр разылашмалардан олуб.
Азәрбајҹанлы тәрәфин ики өлкә вәтәндашларынын ҝедиш-ҝәлиши вә тиҹарәт мүбадиләләри үчүн Мәрзабад вә Худафәрин кечидләринин ачылмасы үзрә хаһишинә ишарә едән Хүррәм белә гејд едиб: Гәрара алынды ки, тәрәфләрин әмәкдашлығы илә азад олунмуш бөлҝәләрдә транзит меһвәринин фәаллашдырылмасы, һәмчинин ики өлкәнин дәмир вә шосе јоллары әлагәсинин јарадылмасы мәгсәдилә Зәнҝилан-Мәрзабад сәрһәд көрпүсүнүн иншасынын арашдырылмасы башлансын.
342/
28 yanvar 2022 - 10:03
Xəbər kodu: 1223372
Иранын Шәрги Азәрбајҹан вилајәтинин валиси Абидин Хүррәм бу ҝүн мүхбирләрлә мүсаһибәдә өлкәмизин сијаси-игтисади һејәтинин Азәрбајҹан Республикасына олмуш икиҝүнлүк сәфәринин наилијјәтләрини шәрһ едиб.
