АБНА24 Хәбәр Верир, Илк нөвбәдә гонаглара тәјјарәнин Теһрандан бирбаша рејслә ендији Фүзули Бејнәлхалг Һава Лиманы барәдә мәлумат верилиб,
Сонра нүмајәндә һејәти Азәрбајҹанын Ермәнистанла һәмсәрһәд Зәнҝилан рајонунда Бејнәлхалг нәглијјат маршрутунун бир һиссәси олан Һорадиз – Ағбәнд дәмир јолу лајиһәси үзрә ҝөрүлән ишләрлә таныш олублар. Танышлыг заманы лајиһәнин әһәмијјәти һаггында данышылыб, Иранын бу лајиһәдә иштиракынын ваҹиблији вурғуланыб.
Гонаглар, һәмчинин ишғалдан азад едилмиш әразиләрдә инша едилмәкдә олан икинҹи һава лиманы – Зәнҝилан Бејнәлхалг Һава Лиманында апарылан тикинти ишләри илә таныш олублар.
Даһа сонра азад олунмуш әразиләрдә инша олунан автомобил тунелләринә вә Ҹоҹуг Мәрҹанлы гәсәбәсиндә дәмир јолу лајиһәсинә бахыш кечирилиб, автомобил вә дәмир јолу лајиһәләри илә бағлы тәгдиматлар динләнилиб.
Иранын јол вә шәһәрсалма назиринин башчылыг етдији һејәт дүнән ахшам Фүзулидән Бакыја ҝәлиб.
342/
25 yanvar 2022 - 13:30
Xəbər kodu: 1222399
Иранын јол вә шәһәрсалма назири Рүстәм Гасеминин башчылыг етдији нүмајәндә һејәти Азәрбајҹан баш назиринин мүавини Шаһин Мустафајевин башчылыг етдији нүмајәндә һејәти илә бирликдә ишғалдан азад едилмиш әразиләрдә һәјата кечирилән нәглијјат вә диҝәр инфраструктур лајиһәләри илә таныш олублар.
