АБНА24 Хәбәр Верир, Бәјанатда дејилир: “Јанварын 10-а Газахыстан Республикасында вәзијјәт стабилләшиб вә нәзарәт алтындадыр. Террорла мүбаризә үзрә гәрарҝаһ тәрәфиндән террор тәһлүкәси олан нөгтәләр нејтраллашдырылыб.
Бәјаната ҝөрә Алматы, Гызылорда, Талдыкорган вә Тараз шәһәрләриндә террорчулар тәрәфиндән тутулмуш бүтүн инзибати објектләр азад едилиб.
Һәмчинин билдирилир ки, хүсуси әһәмијјәтли, стратежи објектләр вә силаһ-сурсат сахланан јерләрин тәһлүкәсизлији тәмин олунуб.
Диҝәр тәрәфдән Газахыстан гурумларынын рәсми информасијасыны јајан оператив гәрарҝаһ билдириб ки,
Газахыстанда иғтишашлара ҝөрә тутуланларын сајы 8 минә чатыр
“Индијәдәк өлкә үзрә 7 939 нәфәр сахланылыб”,- дејә мәлуматда билдирилир.
Бу арада Газахыстанда баш верән аксијалар заманы өлән һүгуг-мүһафизә органлары әмәкдашларынын сајы 17-јә чатыб. Буну Газахыстанын Президенти Касым-Жомарт Токајев Оператив гәрарҝаһын иҹласы заманы билдириб.
О, һәмчинин дејиб ки, бүтүн Газахыстан үзрә фөвгәладә вәзијјәт режиминин позулмасына ҝөрә 1,5 миндән чох шәхс мәсулијјәтә ҹәлб олунуб.
Сон ҝүнләр өлкәдә баш верән ҝәрҝинликләр нәтиҹәсиндә өлән вә јаралананларын сајы барәдә исә һәлә дәгиг мәлумат јохдур. Газахыстан Сәһијјә Назирлји 164 нәфәрин өлүмүндән хәбәр версә дә сонралар бу мәлуматын дәгиглији шүбһә алтына алыныб.
Президент Касым-Жомарт Токајев исә Газахыстанда баш вермиш террор һадисәләри заманы һәјатыны итирәнләр үчүн 10 јанвар 2022-ҹи ил үмуммилли матәм ҝүнү елан едиб.
342/
10 yanvar 2022 - 18:20
Xəbər kodu: 1217666
Газахыстан Милли Тәһлүкәсизлик Комитәси бәјанат јајараг өлкәдә вәзијјәтин сабитләшдијини вә нәзарәт алтында олдуғуну билдириб.
