АБНА24 Хәбәр Верир, Түркијә президенти Рәҹәб Тајјыб Әрдоған дүнән ҝеҹә назирләр кабинетинин иҹласындан сонра лирәнин ҝүҹләндирилмәси үзрә јени тәдбирләрин ҝөрүлмәсиндән, истеһсал вә ихраҹата дәстәкдән вә валјута сәбатсызлығынын нәтиҹәләринин гаршысынын алынмасындан хәбәр верди вә белә гејд етди: Өлкәнин игтисади дөвријјәсиндән кәнарда 280 милјард доллар дәјәриндә «балынҹ алтында гызыл» адландырылан беш мин тона јахын гызыл мөвҹуддур вә онлары ҹәзб етмәк үчүн һөкумәтин иш ҝүндәминә јени һәлл јоллары дахил едилиб.
Ширкәтләрин пајлары үзрә сөвдәләшмә саһәсиндә верҝинин он фаиз азалдылмасы, фәрди тәгаүдә тәшвигдә һөкумәтин пајынын 25 фаиздән отуз фаизә галдырылмасы, мәркәзи банк тәрәфиндән ихраҹатчылара лазым олан валјутанын зәманәтли мәзәннә илә тәмин едилмәси, хариҹи валјута сәбатсызлығы илә мүгајисәдә лирә әманәтләринин ҝәлир ҝәтирмәсинин тәмин едилмәсинә зәманәт,/ инвестисија, һәмчинин мәшғуллуг јарадан истеһсал објектләри вә саирә үчүн уҹузгијмәтли кредитләрин тәгдим едилмәси, Әрдоғанын елан етдији јени тәдбирләрдәндир.
Јухарыда гејд едилән тәдбирләрин елан олунмасындан аз сонра долларын гијмәти он сәккиз лирәдән он ики лирәјә, авронун гијмәти ијирми лирәдән он дөрд лирәјә, ијирми дөрд әјарлы гызылын һәр грамы исә мин јетмиш лирәдән 792 лирәјә ениб.
Бу ҝүн сәһәр Түркијәнин валјутадәјишмә мәнтәгәләриндә бир АБШ доллары он бир там јүздә отуз, бир авро он ики там јүздә сәксән, ијирми дөрд әјарлы гызылын бир грамы исә 649 лирәјә дәјишдирилир.
342/
21 dekabr 2021 - 13:11
Xəbər kodu: 1210818
Түркијә һөкумәтинин јени малијјә тәдбирләри бу дәфә хариҹи валјуталарын сәрбәст уҹузлашмасы, Түркијә лирәсининин исә хариҹи валјуталар гаршысында јетмиш фаиз мөһкәмләнмәсинә сәбәб олуб.
