АБНА24 Хәбәр Верир, Әли Багери-Кәни бу ҝүн өз твиттер һесабында белә јазыб: Диҝәр һејәтләрлә мәшвәрәтләрдән сонра гаршыда дуран јол барәҹә сөһбәт едиб, вәзијјәти дәјәрләндирмәк үчүн Авропа Иттифагынын хариҹи ишләр вә тәһлүкәсизлик сијасәти үзрә али нүмајәндәсинин мүавини вә нүвә анлашмасы үзрә бирҝә комиссијанын координатору Енрике Мора илә ҝөрүшдүк.
Иранын нүвә мүзакирәләриндәки баш мүзакирәчиси сонра бунлары јазыб: Бу һәфтә јахшы ирәлиләјиш олду. Ҹүмә ҝүнү мүштәрәк комиссијанын иҹласы кечириләҹәк вә бир нечә ҝүнлүк фасиләдән сонра мүзакирәләри давам етдирәҹәјик.
Бу ҝүн дөрд үстәҝәл бир групу, Авропа Иттифагы вә Иранын баш мүзакирәчиләри арасында нүвә анлашмасы үзрә бирҝә комиссијанын иҹласы кечириләҹәк.
Иҹлас Авропа Иттифагынын хариҹи фәалијјәт хидмәтинин баш катибинин мүавини Енрике Мора вә Иранын баш мүзакирәчиси Әли Багери-Кәнинин сәдрлији алтында дөрд үстәҝәл бир групу вә Иранын хариҹи ишләр назирликләринин сијаси мүдирләри вә хариҹи ишләр назирләринин мүавинләри сәвијјәсиндә кечириләҹәк.
Мүзакирәләрин бу раунду өтән һәфтәнин ҹүмә ахшамы ҝүнү башланыб вә һејәтләр бирҝә комиссијанын иҹласындан дәрһал сонра ихтилафларын азалдылмасы үзрә сәјләрә вә мәтнләр үзәриндә ишә башлајыблар.
Мәтнләр үзәриндә данышыглар сырф олараг, ишчи груплары илә мәһдудлашмајыб вә тәрәфләр мүхтәлиф сәвијјәләр вә формаларда нүвә вә санксијаларын арадан галдырылмасы кими ики саһәдә ишлә мәшғул олублар.
342/
18 dekabr 2021 - 14:58
Xəbər kodu: 1209768
Иранын нүвә мүзакирәләриндәки баш мүзакирәчиси данышыгларын ирәлиләјишиндән разылыг едиб. Билдириб ки, бир нечә ҝүнлүк фасиләдән сонра мүзакирәләри давам етдирәҹәјик.
