АБНА24 Хәбәр Верир, Иранын хариҹи ишләр назири чәршәнбә ҝүнү Иранын гоншу өлкәләрдәки сәфирләринин Хариҹи Ишләр Назирлијиндә кечирилән конфрансда чыхыш заманы Вјана данышыгларына тохунараг әлавә едиб: "Дүнән ахшам Атом Енержиси үзрә Бејнәлхалг Аҝентликлә јахшы разылашма әлдә олунуб ки, бу, Иранын нүвә фәалијјәтләри илә бағлы иддиа едилән бәзи нараһатлыгларын арадан галдырылмасыны вә АЕБА илә икитәрәфли әмәкдашлығын давам етдирилмәсини тәмин едәҹәк".
Әмир Абдуллаһијан, һәмчинин Вјанада 4+1 групу илә сон данышыглар заманы Иранын мүзакирә һејәти тәрәфиндән тәклиф олунан ики мәтндә нүвә сазишиндән кәнар бәзи тәләбләрин олмасы илә бағлы иддиалары тәкзиб едиб вә вурғулајыб: "Бу мәтнләр Әһатәли Мүштәрәк Тәшәббүс Програмына там ујғундур вә онларда кәнар һеч бир шеј јохдур".
"Бу мәтнләр Теһранда онилликләр әрзиндә апарылан мүзакирәләрин нәтиҹәсидир вә бизим јанашмамыз гаршы тәрәфләрин Иранын сүлһмәрамлы нүвә програмы илә бағлы иддиа етдикләри нараһатлыгларын арадан галдырылмасы мүгабилиндә Нүвә Разылашмасы үзрә санксијаларын тамамилә арадан галдырмасыдыр", - дејә Иранын дипломатија апаратынын рәһбәри әлавә едиб.
Иранын хариҹи ишләр назири һәмчинин гаршы тәрәфләрин дә данышыглары хош нијјәтлә давам етдирәҹәјинә үмид етдијини билдириб.
Ирана гаршы әдаләтсиз санксијаларын арадан галдырылмасы илә бағлы Вјанада кечирилән данышыгларын јени раунду нојабрын 29-дан башлајыб.
Данышыгларын бу раундунда Иранын мүзакирә һејәти ҹидди тәшәббүслә санксијаларын ләғви вә нүвә фәалијјәтләри илә ики мәтни гаршы тәрәфләрә тәклиф едиб.
342/
16 dekabr 2021 - 15:08
Xəbər kodu: 1209302
Иранын хариҹи ишләр назири Вјанада Иран Ислам Республикасы илә Атом Енержиси үзрә Бејнәлхалг Аҝентлик арасында разылашманын әлдә едилмәсиндән хәбәр вериб.
