АБНА24 Хәбәр Верир, Әмир Абдуллаһијан бу телефон данышығында Фәләстин Ислами Мүгавимәт Һәрәкаты Һәмас-ын Сијаси Бүросунун сәдри Исмајыл Һәнијјәни бу һәрәкатын јаранмасынын илдөнүмү мүнасибәти илә тәбрик едиб вә дејиб: "Реҝионда бу сахта режимлә мүнасибәтләрини нормаллашдыран бир нечә өлкә Ислам үммәтинә, реҝионун тәһлүкәсизлик вә мәнафеләринә зидд һәрәкәтләр едир".
Иранын хариҹи ишләр назири Һәмас Һәрәкатыны Гүдсүн азад едилмәсиндә Ислами мүгавимәт гүввәләринин өнҹүлләриндән бири кими дәјәрләндириб вә гејд едиб ки, бу ҝүн мүгавимәт Фәләстин халгынын тарихи һүгугларынын һәјата кечирилмәсиндә чох мүһүм рол ојнајыр".
О, Инҝилтәрә һөкумәтинин Һәмас-ы террор тәшкилаты елан етмәси илә бағлы сон аддымына тохунараг, буну Фәләстин халгына гаршы "сијаси" бир һәрәкәт кими гијмәтләндириб.
Әмир Абдуллаһијан сөзләринин давамында Иран Ислам Республикасынын Фәләстин халгынын мүгавимәтинә дәстәјинин давам едәҹәјини вурғулајыб.
Һәмас-ын Сијаси Бүросунун рәһбәри дә бу телефон данышығында бәзи реҝион өлкәләринин сионист режимлә мүнасибәтләрин нормаллашдырылмасы истигамәтиндәки һәрәкәтини гынајараг, бу һәрәкәти америка-сионист јанашмасы кими гијмәтләндириб.
Исмајыл Һәнијјә сионист режимин бөлҝәјә нүфуз етмәсини әмин-амансызлыг вә гејри-сабитлик амили вә Фәләстинин амаллары вә бүтүн Ислам үммәти үчүн тәһлүкә кими характеризә едиб вә билдириб ки, бу стратеҝија уғурсузлуға мәһкумдур.
342/
15 dekabr 2021 - 20:27
Xəbər kodu: 1208997
Иранын хариҹи ишләр назири Һүсејн Әмир Абдуллаһијан Фәләстинин Ислами Мүгавимәт Һәрәкаты Һәмас-ын Сијаси Бүросунун сәдри илә телефон сөһбәтиндә вурғулајыб ки, гондарма сионист режими реҝионун бүтүн чәтинликләринин вә проблемләринин әсас сәбәбидир.
