Әһли-Бејт (әлејһимус сәлам) – Хәбәр Аҝентлији АБНА-нын вердији мәлумата әсасән, буну Азәрбајҹан хариҹи ишләр назиринин мүавини Хәләф Хәләфов Москва шәһәриндә кечирилмиш “3+3” фоматында ҝөрүшлә бағлы дејиб.
Назир мүавини билдириб ки, мәсләһәтләшмәләр механизминин фәалијјәтинин инкишафындан асылы олараг, даһа јүксәк сәвијјәдә ҝөрүш вә мүзакирәләр тәшкил олуна биләр.
"Механизмин фәалијјәти консенсус принсипи әсасында апарылаҹаг. Ҝөрүшләрдә үмуми реҝионал мәсәләләр вә тәрәфләр үчүн гаршылыглы мараг доғуран вә реҝионал сабитлијә вә рифаһа төһфә верән тәшәббүс вә лајиһәләр мүзакирә едилә биләр. Нөвбәти ҝөрүшүн кечирилмәси дипломатик каналлар васитәси илә разылашдырылаҹаг".
Гејд едилир ки, буҝүнкү иҹласда реҝионда етимадын артырылмасы, игтисадијјат вә нәглијјат әлагәләринин бәрпасы, јенидән гурулмасы вә ҝенишләндирилмәси саһәсиндә әмәкдашлығын инкишафына јөнәлик фикир мүбадиләси апарылыб.
Һәмчинин Ҝүрҹүстанын ҝәләҹәкдә бу формата гошулмасы бүтүн иштиракчылар тәрәфиндән тәгдир едилиб. Һәјата кечирилән мүзакирәләрин нәтиҹәләри барәдә Ҝүрҹүстан тәрәфи дә мәлуматландырылаҹаг.
Диггәт: Хәбәрдән Истифадә Етдикдә Мәнбәјә Истинад Лазымдыр!
