АБНА24 Хәбәр Верир, Иран Ислам Шурасы Мәҹлисинин милли тәһлүкәсизлик вә хариҹи сијасәт комиссијасынын үзвләрилә ҝөрүшән Һүсејн Әмир-Абдуллаһијан фикрини белә ачыглајыб: Иранын мүзакирә һејәтинин Вјанадакы гәти сәји одур ки, Иран халгынын санксијаларын ләғвинә сөјкәнән һәдәфи бу просесдә реаллашсын.
Әмир-Абдуллаһијан бу ҝөрүшдә һәмчинин Иран дөвләтинин сајыг, фәал вә мүвазинәтли хариҹи сијасәтинә тәкид едиб, јахшы гоншулуг сијасәти чәрчивәсиндә гоншуларла мүнасибәтләрин инкишаф етдирилмәси истигамәтиндә Иран Ислам Республикасынын хариҹи сијасәтинин мүхтәлиф ҹәһәтләрини шәрһ едиб.
Иран Ислам Республикасынын президенти Сејид Ибраһим Рәисинин Таҹикистан вә Түркмәнистана олмуш сон ики сәфәринә тохунан Әмир-Абдуллаһијан билдириб: Иран Ислам Республикасы президентинин Шанхај Әмәкдашлыг Тәшкилатынын саммитиндә, еләҹә дә ЕКО игтисади әмәкдашлыг тәшкилатынын зирвә топлантысында иштиракы, онларла кәнар ҝөрүшләри, јекунлашдырылымыш вә имзаланмыш мүгавилә вә меморандумлар гоншуларла әлагәләрин ҝенишләндирилмәси истигамәтиндә јахшы наилијјәтләрдир.
Иран Ислам Республикасынын хариҹи ишләр назири бундан өнҹә дә Вјанадакы иранлы һејәтин мәнтигли, ҝүҹлү, мәтин вә нәтиҹәмеһвәрли данышыглары изләдијини вурғуламыш вә гејд етмишди ки, әҝәр Гәрб хошмәрамлылыг ҝөстәрәрсә, јахшы наилијјәт әлдә олунар.
342/
9 dekabr 2021 - 16:30
Xəbər kodu: 1206917
Иран Вјана мүзакирәләриндә ҹиддидир. Буну, Иран Ислам Республикасынын хариҹи ишләр назири дејиб. Билдириб ки, Иран өз мәнтиги тәклифләринин диггәтлә арашдырылмасыны истәјир.
