АБНА24 Хәбәр Верир, Ҹо Бајденлә Владимир Путин арасында данышыгларын әсас мөвзусу Украјна әтрафындакы критик ситуасија барәдә олуб. Белә ҝөрүнүр ки, тәрәфләр бу мәсәләдә һансыса ҹидди анлашма әлдә етмәјибләр.
Кремлин јајдығы мәлуматда дејилир ки, президентләр “Икинҹи Дүнја мүһарибәси илләриндәки мүттәфиглик мүнасибәтләрини” јада салыблар. Вә 2 саатлыг данышыгларын әсас һиссәси “Украјнадахили бөһранла бағлы проблем” олуб. Путин Кијевин “деструктив хәтт” јүрүтдүјүнү билдириб, ејни заманда НАТО-нун шәргә доғру ҝенишләнмәјәҹәјинә даир мөһкәм тәминат тәләб едиб. Билдириб ки, алјанс “Украјна әразиләрини мәнимсәмәк үчүн” тәһлүкәли ҹәһдләр едир, о ҹүмләдән Русија илә сәрһәд боју һүҹум силаһлары јерләшдирир.
Ағ евин јајдығы мәлуматда исә дејилир ки, президент Бајден Русијанын Украјна сәрһәдләри боју һәрби фәаллығындан нараһатлыг билдириб. Бајден ајдын шәкилдә месаж вериб ки, Бирләшмиш Штатлар вә мүттәфигләри һәрби һүҹум баш верәрсә буна гаршы гәтијјәтли игтисади вә диҝәр тәдбирләрлә ҹаваб верәҹәкләр”,- дејә мәлуматда дејилир.
Ејни заманда данышыгларын ардынҹа Дөвләт Департаменти бәјан едиб ки, президент Бајден НАТО-нун шәргә доғру ҝенишләнмәјәҹәјинә даир Русија тәрәфинә һеч бир тәминат вермәјиб.
Бу арада Украјна илә бағлы һәрби һазырлыглар давам едир вә АБШ дөвләт катибинин мүавини Викторија Нуланд бәјан едиб ки, ики өлкә президентләри арасында апарылмыш данышыглара бахмајараг Вашингтонда Русијанын Украјна сәрһәдләринә јени орду бирликләри ҹәмләшдирмәк планлары барәдә мәлумат вар.
Бирләшмиш Штатлар исә ҝөзләнилән Русија һәрби мүдахиләсинә гаршы Украјна ордусунун мүдафиә имканларыны артырмаг үчүн өз мүтәхәссисләрини ҝөндәрмәкдә давам едир.
342/
9 dekabr 2021 - 16:22
Xəbər kodu: 1206906
АБШ вә Русија президентләри арасында өтән ҝүн видеорабитә васитәсилә кечирилмиш критик данышыглардан сонра инди бүтүн диггәтләр Русијанын Украјнаја һүҹум едиб етмәјәҹәјинә јөнәлиб.
