АБНА24 Хәбәр Верир, Авропа Бирлијинин хариҹи ишләр вә тәһлүкәсизлик сијасәти үзрә али нүмајәндәси вә Вјана мүзакирәләринин координатору Жозеп Боррел Иранын хариҹи ишләр назири илә телефон данышығында, онунла, мүзакирәләр просеси барәдә мәшвәрәт едиб.
Вјана мүзакирәләринин координатору Алманија, Чин, Русија, Франса, Инҝилтәрә вә хүсусән Иран Ислам Республикасынын Вјанада анлашмаја чатмаг үзрә сәјләрини мүһүм адландырыб вә белә сөјләјиб: Авропа Бирлијинин хариҹи фәалијјәт хидмәтинин баш катиби Енрике Мораја тәкид етмишәм ки, разылашмаја чатмаг үчүн баш иранлы мүзакирәчи вә бүтүн һејәтләрлә конструктив вә актив әлагә гурмаға сәј ҝөстәрсин.
Иран Ислам Республикасынын хариҹи ишләр назири Һүсејн Әмир-Абдуллаһијан да бу телефон сөһбәтиндә мүзакирәләрин ҝедишатыны бүтөвлүкдә јахшы, амма ләнҝ адландырб. Билдириб ки, иранлы һејәт хошмәрамлылыг, лазыми ихтијарлар,/ әлчатан вә ирәлијә јөнәлән тәшәббүсләрлә фәал сурәтдә мүзакирәлә масасында иштирак едир.
Һәр бир мүзакирә вә аддымда нүвә анлашмасыны позан санксијалара там шәкилдә сон гојулмасы бизим иштиракымызын мәгсәдидир.- дејә, Иранын хариҹи ишләр назири вурғулајыб.
Иран Ислам Республикасынын Атом Енержиси үзрә Бејнәлхалг Аҝентликлә техники әмәкдашлыға садиг галдығыны вурғулајан Әмир-Абдуллаһијан сөзләринә белә давам едиб: Иранын баш мүзакирәчиси Әли Багиринин ҝөрүшләри вә мүзакирәләриндән әлавә, иранлы експертләр дә нүвә комитәси вә санксијалара хитам комитәси формасында дөрд үстәҝәл бир групу илә техники вә ихтисас мүзакирәләри апармагдадырлар.
Американын әһди позмасына вә үч Авропа өлкәсинин фәалијјәтсизлијинә рәғмән, Иран хошмәрамлылыгла Вјана мүзакирәләриндә иштирак едир. Гәрб дә санксијалара хитам верилмәси саһәсиндәки реал тәшәббүсүнү тәгдим етмәли,/ Иран халгынын мәнафеји вә һүгугларыны позан өнҹәки шүарлары тәкрарламаға сон гојмалыдыр.- дејә, Иран Ислам Республикасынын хариҹи дипломатија идарәсинин башчысы вурғулајыб.
Биз инанырыг ки, јахшы разылашмаја наил олмаг әлчатандыр, амма она лазым олан мәсәлә, бәзи тәрәфләрин јанашма тәрзинин тәһдид терминләриндән әмәкдашлыг, гаршылыглы һөрмәт вә нәтиҹә истигамәтли данышыг терминләринә сәмтинә дәјишдирилмәсидир.- Иранын хариҹи ишләр назири гејд едиб.
342/
4 dekabr 2021 - 15:10
Xəbər kodu: 1205168
Авропа Бирлијинин хариҹи ишләр вә тәһлүкәсизлик сијасәти үзрә али нүмајәндәси вә Иранын хариҹи ишләр назири бир телефон данышығында Вјанада санксијаларын ләғви мүзакирәләринин атмосферини мүсбәт дәјәрләндирибләр.
