Әһли-Бејт (әлејһимус сәлам) – Хәбәр Аҝентлији АБНА-нын вердији мәлумата әсасән, һуманизим вә либерал дәјәрләрдән дәм вуран, һәр заман сивилизасија вә инсан һаглары бешији иддиасында олдуғу вә һәмишә 1789-ҹу ил Инсан Һүгуглары вә Вәтәндашлыг Бәјаннамәсинә истинад едән Франсадан инсанлыға гаршы нөвбәти һәгарәт вә радикаллыг.
Франсанын радикал сағчы партијасынын нүмајәндәси Полша-Беларус сәрһәддиндә сыхышыб галан сығынаҹаг ахтаранлар һаггында анти-һуманист ачыгламалар вериб.
Белә ки, Франсанын ифратчы “Рассемблемент Натионал” - Милли Ралли партијасынын сөзчүсү Жулиен Адоул БФМ ТВ-јә вердији мүсаһибәдә Полша-Беларус сәрһәдиндә гапалы галан сығынаҹаг ахтаранлар һаггында о, ики дәфә тәкрар едәрәк дејиб: “Сығынаҹаг ахтаранлар гој сојугдан өлсүнләр!”
Инсанлыг дујғуларындан мәһрум олан авропалы сијасәтчи илк өнҹә сығынаҹаг истәјәнләр барәсиндә дејиб: “Авропа халгыны горумаг Авропа Иттифагынын вәзифәсидирми?”.
О әлавә едиб: “Әлбәттә, Авропа Бирлијинин гапылары сығынаҹаг ахтаранларын үзүнә ачылмамалыдыр; Чүнки онларын чоху потенсиал тәһлүкәлидир.”
Жулиен Адолун мүбаһисәли сөзләри һәтта телеапарыҹынын реаксијасына сәбәб олду вә о, ондан сорушуб: "Беләликлә, сәрһәддә сыхышан сығынаҹаг ахтаранларын донараг өлмәсинә иҹазә вермәлијикми?"
Франсанын ифрат сағчы партијасынын сөзчүсү суала ики дәфә ҹаваб вериб: "Бәли! Бәли!" Вә үчүнҹү дәфә дејиб: "Мән демирәм ки, өлсүнләр, амма дејирәм ки, нәјин баһасына олурса-олсун, Авропа Бирлијинин сәрһәдиндән узаг тутулсунлар. Чүнки онлар чох тәһлүкәлидирләр.”
Диггәт: Хәбәрдән Истифадә Етдикдә Мәнбәјә Истинад Лазымдыр!
