АБНА24 Хәбәр Верир, Сејид Ибраһим Рәиси бу ҝүн Бүшеһр Атом Електрик Стансијасынын мүхтәлиф бөлмәләри вә онун инкишаф етмәкдә олан блокларында олдугдан сонра мүхбирләрә билдириб ки, Иран Ислам Республикасынын гәти сијасәти, динҹ мәгсәдли нүвә енержисиндән бәһрәләнмәкдир вә бу саһәдә ҝүзәштә ҝетмәјәҹәјик.
Рәиси гејд едиб ки, бу истигамәтдә Иранын Атом Енержиси Тәшкилатынын өлкәдә атом енержисиндән он мин мегават електрик енержиси истеһсалы үзрә тапшырығы тәриф едилиб.
Иран Ислам Республикасынын президенти сонра дејиб: Реҝионда биринҹи игтисади, елми вә техноложи јерә наил олмаг, сон бејнәлхалг стандартлара ујғун олараг, нүвә сәнајесинин стабил ирәлиләјиши үчүн мәгсәдјөнлү вә алиманә програмлашдырмалар тәләб едир.
Рәиси билдириб ки, нүвә билији ҝәләҹәкдә өлкәләрин дәрин инкишафы вә елми тәрәггисинә сәбәб олаҹаг вә биз дүнјанын елми һәрәкәт карванындан ҝери галмамалыјыг.
О, дејиб ки, нүвә билијинин мәналы инкишафы диҝәр фәнн вә технолоҝијаларын сәвијјәләринин јүксәлишинә ҝәтириб чыхараҹаг.
Бүшеһр Атом Електрик Стансијасынын илк блоку мин мегават електрик истеһсалы ҝүҹү илә 2011-ҹи илдә Иранын үмумөлкә електрик шәбәкәсинә гошулду.
Бүшеһр Атом Електрик Стансијасынын икинҹи блокунун бетонтөкмә мәрасими дә 2019-ҹу ил нојабрын онунда кечирилибдир.
Бүшеһр Атом Електрик Стансијасынын икинҹи вә үчүнҹү блокларынын истифадәјә верилмәсиндән сонра Иранын атом електрик ҝүҹү үч мин 114 мегавата јүксәләҹәк.
342/
9 oktyabr 2021 - 13:21
Xəbər kodu: 1187142
Иран Ислам Республикасынын президенти дејиб ки, Бүшеһр Атом Електрик Стансијасынын инкишаф етмәкдә олан блокларындакы електрик истеһсалы мигдары үч дәфә артаҹаг.
