АБНА24 Хәбәр Верир, АБШ Конгресинә бағлы "Һилл" хәбәр порталы бир репортажда, Ҹо бајденин БМТ Баш Ассамблејасындакы чыхышына ишарә едәрәк, јазыб: "Кечән һәфтә президент Бајден БМТ Баш Ассамблејасында илк чыхышыны етди вә бир даһа "Американын ҝери дөндүјүнү" вә АБШ-ын "дөврүмүзүн ән бөјүк проблемләринин һамысына рәһбәрлик етмәк" нијјәтиндә олдуғуну иддиа етди. Бајденин дедији кими олмалы иди, анҹаг тәәссүф ки, мөвҹуд реаллыг чох фәргли ҝөрүнүр".
Репортажын бир һиссәсиндә АБШ-ын Әфганыстандан тәләсик чыхмасына ишарә олунуб вә дејилир: "Бајден нәинки, АБШ үчүн һеч бир иш ҝөрә билмир, һәм дә дүнјаны даһа тәһлүкәли бир јерә чевирир".
Һилл сонда, һәмчинин АБШ мүттәфигләринин бу өлкәјә етимадсызлығына да тохунуб вә јазыб: "Американын ән әһәмијјәтли мүттәфигләри арасында, президент Бајденә ҝүвәнилә билән ҹидди бир тәрәфдаш кими етибар јохдур. Американын рәгибләри арасында, Бајденин марагларымызы горуја биләҹәјинә артыг инам јохдур. Америка халгы арасында исә артыг Бајденин ән әсас идеалларымызы мүдафиә едә биләҹәјинә инам јохдур.
Бајден администрасијасы, коронавирусун делта штаммына јолухма һалларынын артмасы, федерал ишчиләр үчүн мәҹбури пејвәндләмәдән наразылыг, орта вә бөјүк мүәссисәләр үчүн мәҹбури пејвәндләмә еһтималы, Техас-Мексика сәрһәддиндә Һаити мүһаҹирләринин артмасы вә Әфганыстандан фәлакәтли чыхыш да дахил бир чох проблемләрлә үз-үзәдир.
342/
28 sentyabr 2021 - 14:02
Xəbər kodu: 1183959
АБШ Конгресинә бағлы бир веб сајт, АБШ президентинин дахили вә хариҹи сијасәтини тәнгид едәрәк, Ҹо Бајденин дүнјаны даһа тәһлүкәли бир јерә чевирдијини сөјләјиб.
