АБНА24 Хәбәр Верир, ФТБ бундан әввә Сираҹәддин Һәгганинин террор әмәлијјатындакы ролу илә әлагәдар онун тутулмасына көмәк едәҹәк мәлуматлара ҝөрә 5 милјон доллар мүкафат тәјин етмишди.
Һәггани Шәбәкәсинин лидеринин ады Талибан һөкумәтинин тәркибиндә јер алдыгдан сонра бу мүкафат ики гат артырылды вә 10 милјон доллара чатды.
Федерал Тәһгигат Бүросунун вебсајтында бу мәсәлә илә бағлы бир билдириш јер алыб вә Сираҹәддин Һәгганинин шәкили, фәрди хүсусијјәтләри вә шәхсијјәти илә бағлы бир сыра деталларын тәгдим едилмәси илә јанашы, һәмин шәхслә бағлы һәр һансы бир мәлуматын ФТБ-нин јерли офисләринә вә ја мүхтәлиф өлкәләрдәки ән јахын АБШ сәфирлијинә вә ја консуллуғуна верилмәси истәнилиб.
Билдиришә әсасән, Сираҹәддин Һәггани 2008-ҹи илин јанварында Кабилдә бир Америка вәтәндашы да дахил олмагла алты нәфәрин өлүмү илә нәтиҹәләнән бир отелә һүҹумда иштирак едиб вә АБШ тәрәфиндән ахтарышда иди.
ФТБ, һәмчинин, Һәггани шәбәкәсинин лидеринин Әфганыстанда АБШ вә коалисија гүввәләринә гаршы бир чох сәрһәдашыры һүҹумларда координатор олараг, иштирак етдијини дә иддиа едир.
Сираҹәддин Һәгганинин 2008-ҹи илдә Әфганыстанын кечмиш президенти Һәмид Кәрзаја гаршы суи-гәсдин планлашдырылмасында иштиракы да ФТБ-нин ачыгламасында гејд едилән мөвзулардан биридир.
342/
10 sentyabr 2021 - 17:12
Xəbər kodu: 1178653
Талибанын Әфганыстанын јени һөкумәтинин тәркибини елан етмәсиндән сонра АБШ-ын Федерал Тәһгигат Бүросу ФТБ, дахили ишләр назири вәзифәсинә ирәли сүрүлмүш Сираҹәддин Һәгганинин тутулмасына ҝөрә мүкафаты икигат артырыб.
