АБНА24 Хәбәр Верир, ИШИД террорчуларынын Әфганыстанда төрәтдији террор актлары әслиндә бир нечә суал ортаја гојуб. Террорчулар бу һүҹумла нә әлдә етмәк истәјир? АБШ һәрбчинин өлкәдән чыхмасыны вә ја әксинә, галмасыны? Вә ја Талибан һәрәкатынын һакимијјәти әлә алмасынын гаршысыны алмағы?
Русија Арашдырмалары Институтунун јадығы сәнәддә гејд олунур ки, Талибан ИШИД вә "Әл-Гаидә" кими террор груплашмаларынын үзвләринин өлкәдә галмасына вә тәблиғатынын апармасына гадаға гојуб. Талибләрин тәһлүкәни әввәлдән һисс едәрәк белә бир бәјанат вермәси вә террорчулара гаршы мөвге сәрҝиләмәси Әфганыстанда мөвҹуд вәзијјәтин аҹынаҹаглы олмасындан хәбәр верир.
Хатырладаг ки, Мүгавимәт Меһвәри вә Иран Ислам Республикасынын ИШИД-ә гаршы гәтијјәтли мөвгеји вә мүдахиләси бу террор груплашмасыны һәм Ираг, һәм дә Суријадан дидәрҝин салмыш вә террорчулар АБШ-ын көмәји илә Әфганыстана гачараг орада ҝизләнмишдиләр.
Бу арада Талибанын дахилиндә ИШИД идеолоҝијасы илә мүхалиф вә һәмфикир оланлар мөвҹуд олса да бүтөвлүкдә талибләр бу ҝүнә кими террор груплашмасына гаршы мөве нүмајиш етдирирләр. Әфганыстанын пајтахтында төрәдилән 6 партлајыш вә јүзләрлә инсанын өлдүрүлмәси дә ИШИД-чиләрин талибләрлә јола ҝетмәмәсинин бариз нүмунәсидир.
Б арада индијәдәк Јахын Шәргдә ИШИД-ә мүхтәлиф ҹинајәтләр вә гәтималар төрәтмәк сифариши верәнләр һазырда Әфганыстнда гарышыглыг вә хаосун мөвҹуд олмасында мараглыдыр. Бундан әлавә, Талибанын Әфганыстанда һакимијјәти әлә алмасындан сонра вердији гәрарлар да тәсирсиз өтүшмүр. Мисал үчүн талибләрин Әфганыстанда шиә әгидәсиндә олан вәтәндашларын Мәһәррәмлик мәҹлисләринин кечирилмәсинә дәстәк вермәси вә Ашура мәҹлисләри заманы тәһлүкәсизлији тәмин етмәси Талибанын һәдәфә чеврилмәсинә әсас сәбәләрдән бири ола биләр. Диҝәр тәрәфдән Талибанын Түркијә, Чин, Русија вә Иранла достлуг мүнасибәтләри гураҹағыны бәјан етмәси ИШИД-чиләри Әфганыстанда гаршылыглыг јаратмаг үчүн һәрәкәтә ҝәтириб.
Ҝөрүнән будур ки, ИШИД террорчулары Әфганыстанда төрәтдикләри вә планлашдырдыглары һүҹумларла АБШ-ын өлкәдә галмасына зәмин јарадыр.
342/
29 avqust 2021 - 17:48
Xəbər kodu: 1174589
Әфганыстанын пајтахты Кабилдә һава лиманында төрәдилән партлајыш нәтиҹәсиндә өләнләрин сајы 200-ә чатыб. Террактдан сонра бүтүн диггәтләр ИШИД-ин хортламасына јөнәлиб.
