АБНА24 Хәбәр Верир, Илһам Әлијев БМТ-нин Азәрбајҹан үчүн јени тәјин олунмуш резидент әлагәләндириҹиси Владанка Андрејеваны гәбул едәркән дејиб: "Тәһлүкәсизлик Шурасынын даими үзвү олан беш өлкәдән үчү АТӘТ-ин Минск групуна һәмсәдр олан вә һәлә дә һәмсәдрлик едән өлкәләрдир. Онлар өзләри Гарабағ мәсәләси илә әлагәдар дөрд гәтнамә гәбул етмишләр. Бу гәтнамәләрин һәјата кечирилмәсинә имкан јаратмаг үчүн онларын мандаты вар иди. Лакин, әфсуслар олсун ки, 28 ил әрзиндә Минск групу чох имканлары әлдән вериб."
Дөвләт башчысы билдириб ки, тоггушманын, мүһарибәнин гаршысынын алынмасы үчүн бир јол ола биләрди. Рәсми Бакы мәсәләни сүлһ јолу илә һәлл етмәк истәјирди. Әҝәр Ермәнистана гаршы вахтында санксијалар тәтбиг едилсәјди, әҝәр Минск групунун һәмсәдрләри, дүнјанын үч апарыҹы өлкәси потенсиалынын 5 фаизини Ермәнистаны өз ишғалчы гүввәләрини ҝери чәкмәјә инандырмаға вә ја мәҹбур етмәјә истифадә етсәјди, мүһарибә баш вермәзди. Одур ки, мүһарибәјә ҝөрә мәсулијјәт јалныз Ермәнистанын үзәриндә дејил, һәмчинин ону бејнәлхалг һүгуга риајәт етмәјә мәҹбур едә билмәјән вә ја буну етмәк истәмәјәнләрин үзәринә дүшүр.
342/
25 avqust 2021 - 04:26
Xəbər kodu: 1172992
Азәрбајҹан Республикасынын президенти АТӘТ Минск Групунун сәриштәсизлијиндән данышыб.
