АБНА24 Хәбәр Верир, Инҝилтәрәнин баш назири Борис Ҹонсонун Әфганыстан бөһраны барәдә диалог истигамәтиндә 7-ләр групунун фөвгәладә саммитини кечирмәк үзрә хаһишиндән сонра һазырда Лондонун Талибан-ы санксија етмәк истәдији дејилир.
Рөјтерс информасија аҝентлији билдириб ки, Инҝилтәрә һөкумәти 7-ләр групунун иҹласы ҝедишиндә үзв өлкәләрин башчыларыны Талибан-а гаршы јени санксијалар нәзәрдә тутмаға вадар етмәк нијјәтиндәдир.
Инҝилтәрә һөкумәтинин бир рәсмиси вә бир гәрбли дипломат Рөјтерс-ә дејибләр ки, Лондонун гәнаәтинә ҝөрә, әҝәр Талибан Әфганыстанда инсан һүгугларыны позар вә бу өлкәдән јарымһәрбчиләрин сығынаҹағы кими истифадә едилмәсинә иҹазә верәрсә, 7-ләр групу да онлара гаршы игтисади санксијалар нәзәрдә тутмалыдыр.
Адларынын ҝизли галмасыны истәјән һәмин мәнбәләр гејд едибләр ки, әлбәттә, 7-ләр групунун саммитиндә Талибан-а гаршы санксијаларын дәрһал гәбул олунмасы имканы мүмкүнсүз ҝөрүнүр.
342/
24 avqust 2021 - 17:03
Xəbər kodu: 1172865
Инҝилтәрә һөкумәти Әфганыстанын нәзарәтини әлә кечирмәсиндән сонра Талибан-а гаршы јени санксијалар тәтбиг етмәк үчүн 7-ләр групу башчыларынын разылығыны әлдә етмәк ардынҹадыр.
