АБНА24 Хәбәр Верир, бу барәдә Түркијәнин кәнд тәсәррүфаты вә мешә назири Бәкир Пакдәмирли ачыглама вериб.
Пакдәмирли 152 јанғын оҹағынын сөндүрүлдүјүнү, 11-нин исә һәлә дә давам етдијини сөјләјиб.
Бу арада хәбәр верилир ки, Муғладакы јанғынлар Милас рајонундакы Истилик Електрик Стансијасына (ИЕС) јахынлашыб. Һазырда ИЕС-ин 1 километрлијиндә јанғынла мүбариз апарылыр.
Милас бәләдијјә башчысы Мәһәммәд Токат сосиал медиа һесабында, "Вәзијјәт чох ҹиддидир. Аловлар ИЕС-ин јахынлығындадыр. Мүмкүнсә ҝеҹәҝөрмә габилијјәтинә малик бир тәјјарә вә ја вертолјот ҝөндәрилсин" дејә билдириб.
Түркијәнин Мешә Тәсәррүфаты Идарәсиндән верилән мәлумата ҝөрә исә, сон 8 ҝүн әрзиндә Түркијәнин 39 вилајәтинин мешәләриндә јанғын һадисәләри гејдә алыныб.
Һазырда 11 мешә јанғыны давам едир.
Сөндүрмә ишләринә 5250 нәфәр, 16 тәјјарә, 9 ПУА, 45 һеликоптер, минә јахын техника ҹәлб едилиб.
Јанғынын гаршысыны алмагда Азәрбајҹан Республикасы вә Иран Ислам Республикасы илә јанашы бир чох өлкә Түркијәјә көмәклик ҝөстәрир. Бунунла әлагәдар Түркијә президенти Рәҹәб Тәјјиб Әрдоған өлкәсинә дәстәк верән, дуа едән вә башсағлығы верән бүтүн өлкәләрә вә тәшкилатлара тәшәккүр едиб.
Әрдоғанын дејиб: "Иншаллаһ, бу чәтин просеси ән гыса заманда кечәҹәјик. Илк андан етибарән ҝөстәрдикләри дәстәјә ҝөрә хүсусилә Азәрбајҹанын президенти Илһам Әлијевә, Русија президенти Владимир Путинә вә Испанијанын баш назири Педро Санчесә өлкәм адындан тәшәккүрүмү билдирирәм. Ҝөстәрдикләри ҝүҹлү һәмрәјлијә ҝөрә гоншумуз Иран президенти Ибраһим Рәисијә, Гәтәр Әмири Шејх Тәмимә, Хорватија президенти Зоран Милановичә вә Украјна президенти Владимир Зеленскијә миннәтдарлығымы билдирирәм".
342/
4 avqust 2021 - 17:08
Xəbər kodu: 1166544
Түркијәдә сәккизинҹи ҝүндүр давам едән мешә јанғынларынын сөндүрүлмәси үчүн ишләр давам едир. Јанғынларында даһа бир нәфәр һәјатыны итириб.
