АБНА24 Хәбәр Верир, Русијанын ири дәниз парады Русија дәниз донанмасынын јарадылмасынын 325-ҹи илдөнүмү мүнасибәти вә Русија президенти Владимир Путинин фәрманы илә вә Иран Ислам Республикасы да дахил олмагла дүнјанын ијирмидән чох өлкәсинин јүксәк рүтбәли нүмајәндә һејәтләринин иштиракы илә Санкт-Петербург лиманында вә Финландија көрфәзиндә башланыб.
Иран Ислам Республикасы Ордусунун Дәниз Гошунларынын команданы контр-адмирал Һүсејн Ханзади, Иранын Русијадакы сәфири Казым Ҹәлали, Иранын дәниз гүввәләринин мүавинләриндән бир групу вә Иран һејәтинин үзвләри парад мәрасиминдә иштирак едирләр.
Иран Ислам Республикасы Ордусунун стратежи дәниз гүввәләринин 75-ҹи ескадрасындан олан «Сәһәнд» һәрби ҝәмиси вә «Мәкран» ҝәми-лиманы да он дөрд мин дәниз милини гәт етдикдән, һәмчинин Атлантик океанындан вә стратежи бөлҝәләрдән кечдикдән сонра Финландија көрфәзиндә бу дәниз парадына гатылыблар.
Бу дәниз парадында Русија, Иран, Һиндистан вә Пакистандан олан дөрд миндән чох пешәкар командо, фәалијјәт ҝөстәрән бөлмәләр кими Санкт-Петербург дәниз парадында иштирак едирләр.
Бу дәниз гүдрәти нүмајишинин әсас месажы, сон ајлар Русија сәрһәдләриндә өз тәһрикедиҹи һәрәкәт вә фәалијјәтләрини ҝүҹләндирмиш Америка вә НАТО-ја хәбәрдарлыг олаҹаг.
Русија, Иран, Һиндистан вә Пакистанын ҝәми бөлмәләриндән әлавә, Бразилија, Арҝентина, Венесуела, Чин, Намибија, Кипр, Мисир, Гәтәр, Бәһрејн, Сенегал вә Бангладеш дәниз гүввәләринин команданлары вә һәрби һејәтләри бу мәрасимдә иштирак едирләр.
342/
25 iyul 2021 - 18:29
Xəbər kodu: 1163255
Санкт-Петербург лиманында Русијанын ири дәниз парады башланыб. Парадда Иран Ислам Республикасы Ордусунун стратежи дәниз гүввәләринин 75-ҹи ескадрасы иштирак едир.
