Оҹагнежад нијә Пашазадәдән өндә намаз гылыб?

АБНА24 Хәбәр Верир, Ахар.аз Порталы “Оҹагнежат Пашазадәдән нијә өндә иди?” башлыглы јазыда билдириб: “Сосиал шәбәкә истифадәчиләри намаз гылынан заман фотода Оҹагнежадын Гафгаз Мүсәлманлары Идарәсинин сәдри шејхүлислам Аллаһшүкүр Пашазадә вә диҝәр шәхсләрдән өндә дајанмасына етираз едибләр.”

Јени Сабаһ гәзети исә Шејх һәзрәтләрини белә тәһгир етмәкдән чәкинмәјиб. “Шејх Шушада нијә Оҹагнежадын архасында ҝизләнди? Утанҹвериҹи һалдыр“ сәрлөвһәли мәгаләдә дејилир: “Әксәријјәт Шејхүлислам Аллаһшүкүр Пашазадәнин олдуғу јердә Оҹагнежадын өндә дајанараг просеси идарә етмәсини доғру һесаб етмәјиб.”

Мөвзу илә бағлы илаһаијјатчы кими тәгдим олунан Елшад Мири гәзетлә мүсаһибәдә дејиб: “Мән бир Азәрбајҹан вәтәндашы олараг буну гәбул етмирәм. Мәнимсәјә билмирәм ки, нијә Шуша кими һәр тәрәфи месажларла, рәмзләрлә долу олан бир јердә белә бир аддым атылыр?”

Елшад Мири сонра ГМИ сәдрини тәнгид атәшинә тутуб. “Аллаһшүкүр Пашазадә һәмишә ачыг шәкилдә шиә олдуғуну гејд едир. Бу дәгигә дүнјада шиәлијин әсасы олараг гәбул едилән јер исә Иран Ислам Республикасыдыр вә Шејхүлислам Иранын “Сәһәр” телевијасына вердији мүсаһибәсиндә дә дејиб ки, дини мәсәләдә рәһбәр олараг Иранын али дини лидери олан Ајәтуллаһ Хаменеини гәбул едир. Онун Хамнејинин гохусуну һисс етмәси илә бағлы да јутубда мүсаһибәләри вар. Һеч бири монтаж дејил, өзү дә буну инкар еләмир. Мәним үчүн бу, утанҹвериҹи бир һалдыр”.

Бизимјол гәзети дә 12 ијул сајында јазиб: “Иран нүмајәндәсинин пишнамазлыг етмәси инсанларымыз тәрәфиндән бирмәналы гаршыланмајыб. Бир чохлары ҹәнаб Оҹагнежадын әслән азәрбајҹанлы олдуғуну вә Иранда онун Хоҹалы гәтлиамыны дајанмадан дилә ҝәтирмәсини нәзәрә алараг алимин пишнамаз олмасына һөрмәтлә јанашыблар. Бир чох инсанлар исә сырф Иранын 44 ҝүнлүк актив әмәлијјатлар заманы мөвгејини јада салараг онун өнә чәкилмәсинә наразылыг ифадә едибләр.

Мәсәләјлә бағлы Бизимјол.инфо-ја шәрһ верән Азәрбајҹан Јүксәлиш Партијасынын (АЈ) башганы Анар Әсәдли өз мөвгејини билдириб: “Биз Иранын тәсир даирәсинә чеврилмәјәҹәјик. Иранын өлкәмиздәки нүмајәндәси өндә, тәкҹә Азәрбајҹан дејил, бүтүн Гафгазын шејхи исә архасында намаз гылыр?!”,- дејә партија сәдри билдириб.

342/