АБНА24 Хәбәр Верир, мајын 28-дә президент Илһам Әлијев Ағдам шәһәринин бәрпасынын тәмәл дашынын гојулмасы мәрасиминдә чыхышында билдириб ки, Ермәнистан тәрәфи өз тәхрибатчы әмәлләриндән әл чәкмир: «Әҝәр биз ҝөрсәк ки, халгымызын, дөвләтимизин тәһлүкәсизлијинә зәррә гәдәр тәһлүкә варса, дәрһал јериндәҹә дүшмәни мәһв едәҹәјик. Онлар да бизим ҝүҹүмүзү билирләр вә ҝөрүрләр. Она ҝөрә сон ҝүнләр Азәрбајҹан-Ермәнистан сәрһәдди әразисиндә Ермәнистан ордусу тәрәфиндән төрәдилмиш тәхрибат ҹавабсыз галмамалы иди вә галмады».
Милли Мәҹлисин Мүдафиә, тәһлүкәсизлик вә коррупсија илә мүбаризә комитәсинин үзвү Елман Мәммәдов Туран-а билдириб ки, һадисәләр Ермәнистанда ијун ајында кечириләҹәк парламент сечкиләри илә бағлы ола биләр: «Пашинјан гәсдән бу мәсәләләри гызышдырыр ки, диггәт онун сечки кампанијасындан јајынсын. Диҝәр тәрәфдән бу ҝүн Ермәнистан ордусунда галмагда олан Көчәрјан, Саркисјан тәрәфдарлары Пашинјанын мөвгеләрини даһа да зәифләтмәк үчүн буну гәсдән едирләр».
Политолог Әрәстун Оруҹлу исә билдириб ки, Азәрбајҹан-Ермәнистан сәрһәддиндә вә Шуша әтрафында вәзијјәтин ҝәрҝинләшмәси јахшы перспективдән хәбәр вермир.
Експерт гејд едиб ки, бу сәбәбдән Русија һәр ики тәрәфә тәсир едәрәк мүәјјән ҝәрҝинликләр јаратмаға чалышыр. Она ҝөрә дә мүһарибә тәһлүкәси артыр.
342/
30 may 2021 - 14:26
Xəbər kodu: 1145931
Сон бир нечә ҝүндүр Азәрбајҹан-Ермәнистан сәрһәддиндә вәзијјәт ҝәрҝинләшиб. Мүһарибә риски артыр.
