АБНА24 Хәбәр Верир, Алманијанын хариҹи ишләр назири Һајко Маас бир бәјанатда гејд едиб ки, Алманија мүасир бахышла сојгырымы кими јад едилән бу һадисәләри рәсми шәкилдә таныјыр.
Алманијанын хариҹи ишләр назири бу өлкәнин һөкмранлығы алтында олан өлкәләрдә 1884-ҹү илдән 1915-ҹи иләдәк баш верән зоракы һадисәләр барәдә Намибија илә беш ил мүзакирәдән сонра формалашмыш разылашманы алгышлајыб.
Маас гејд едиб ки, Берлин 1,1 милјард авро дәјәриндә малијјә програмы васитәсилә Намибијанын бәрпасы вә инкишафына көмәк едәҹәк вә тәклиф олунан бу мәбләғ отуз ил мүддәтинә өдәниләҹәк.
Намибија Берлинин 1884-ҹү илдән 1915-ҹи иләдәк олан дөврдәки һөкмранлығы заманы «Алманијанын ҹәнуб-гәрби Африкасы» адланырды. Ондан сонра 75 ил мүддәтинә Ҹәнуби Африканын һакимијјәти алтында олду. Нәһајәт 1990-ҹу илдә өз истиглалијјәтини елан етди.
Алман мүстәмләкәчиләри тәрәфиндән өз әкин саһәләри вә мал-гарасындан мәһрум олмуш јерли һерро әһалиси «нама» адлы диҝәр бир групла јанашы, 1904-ҹү илдә гијам етди, лакин Алманијанын империја гүввәләри онлары јатырдылар.
1904-1908-ҹи илләр арасында азы 60 мин јерли һерро әһалиси вә он мин јерли нама әһалиси алманлар тәрәфиндән гырғын едилдиләр.
Тарихчиләр узун илләр Алманија-Намибија мүнасибәтләринин кәскин олмасы амили олан бу гырғыны 20-ҹи әсрин илк сојгырымы һесаб едирләр.
342/
28 may 2021 - 19:37
Xəbər kodu: 1145232
Рәсми Берлин Алманија империјасы дөврүнә тәсадүф едән 1904-1908-ҹи илләр арасында Намибијанын мүстәмләкә олдуғу заман, јерли әһалинин ҝеносидә мәруз галдығыны етираф едиб.
