АБНА24 Хәбәр Верир, апрелин 2-дә Иранын нүвә анлашмасы үзрә бирҝә комиссијанын 18-ҹи иҹласы Иран вә 4+1 групунун нүмајәндә һејәтләри арасында видеоконфранс форматында кечирилиб вә иштиракчылар бу иҹласын давамыны апрелин 6-да әјани шәкилдә кечирмәји гәрара алыблар. Иран Ислам Республикасы хариҹи ишләр назиринин сијаси мәсәләләр үзрә мүавини нүвә анлашмасы үзрә бирҝә комиссијанын онлајн иҹласында Иранын санксијаларын там вә бирдәфәлик ләғв едилдији тәсдигләнән ан компенсасија тәдбирләрини дајандыраҹағыны бәјан едәрәк, хатырладыб: "АБШ-ын нүвә анлашмасына гајытмасы үчүн һәр һансы бир данышыглара еһтијаҹ јохдур вә бу бахымдан АБШ-ын јолу тамамилә ајдындыр". Иранын нүвә анлашмасы үзрә бирҝә комиссијанын виртуал иҹласындан сонра АБШ нүмајәндә һејәтинин дә чәршәнбә ахшамы Вјанада олаҹағы вә Ирандан башга нүвә анлашмасында галан диҝәр үзвләрлә данышыглар апараҹағы барәдә хәбәрләр јајылды. Бу хәбәрләрин јајылмасы илә ејни заманда Ирагчи бир ачыгламада билдирди ки, Вјанада кечириләҹәк 6 апрел иҹласында јалныз нүвә анлашмасынын һазыркы үзвләри иштирак едәҹәк вә АБШ нүвә програмы үзрә бирҝә комиссијасынын иҹласы да дахил, Иранын иштирак етдији һеч бир иҹласда олмајаҹаг вә бу гәтидир". Вашингтон 2018-ҹи илин мај ајында вә Доналд Трампын президентлији дөврүндә биртәрәфли вә ганунсуз шәкилдә нүвә анлашмасындан чыхды вә ондан сонра Теһрана гаршы нүвә санксијалары илә јанашы ҝениш санксијалар да тәтбиг етди. Лакин АБШ-ын јени президенти Ҹо Бајден АБШ-ы бу разылашмаја гајтармаг истәдијини дилә ҝәтирди, бунунла белә Ҹо Бајден администрасијасы тәрәфиндән нүвә анлашмасына гајытмагла бағлы һеч бир практики аддым атылмајыб.
342/
