АБНА24 Хәбәр Верир, Мәһди Мирәшрәфи бу ҝүн сонра белә дејиб: Өтән ҝүнәш илиндә өлкәнин чыхыш нөгтәләриндән бүтөвлүкдә 73 милјард доллар дәјәриндә олан 145 милјон 700 мин тон тиҹарәт малы ихраҹ вә идхал едилибдир. Мирәшрәфи билдириб ки, өтән ҝүнәш илиндә өлкәдән дәјәри 34 милјард 256 милјон доллар олан 112 милјон тон әмтәә малы ихраҹ олунуб. Иран ҝөмрүјү директорунун дедијинә ҝөрә: Өлкәнин ән мүһүм ихраҹат маллары сыра илә- бензин, тәбии газ, полиетилен, пропан вә пүстә олуб. Башлыҹа ихраҹат базарлары исә Чин, Ираг, әмирликләр, Түркијә вә Әфганыстан олубдур. Иран ҝөмрүјүнүн директору һәмчинин дејиб: Чинә ихраҹ олунмуш малларын дәјәри сәккиз милјард 900 милјон доллар, Ирага једди милјард 300 милјон доллар, әмирликләрә дөрд милјард алты јүз милјон доллар, Түркијәјә исә ики милјард беш јүз милјон доллар олуб. Мирәшрәфи Чин, Ираг, әмирликләр, Түркијә вә Әфганыстана үмуми ихраҹат дәјәрини ијирми беш милјард једди јүз милјон доллар елан едиб. О, сонра дејиб: Өтән ил бу өлкәләрә сәксән милјон тондан чох тиҹарәт малы ихраҹ едилиб. Иран ҝөмрүјүнүн директору һәмчинин дејиб: Өлкә ихраҹатынын бешинҹи рәгәми кими пүстә ихраҹаты бир милјард ики јүз милјон доллар дәјәриндә һесаб едилибдир.
342/
