АБНА24 Хәбәр Верир, танынмыш русијалы политолог, һәрби експерт Игор Коротченко Ахар.аз порталына вердији мүсаһибәдә дејиб ки, февралын 20-дә Ханкәндидә ермәниләрин “Гарабағ милли азадлыг һәрәкатынын илдөнүмү” мүнасибәтилә “матәм јүрүшү” ады алтында кечирдикләри тәдбир вә Русија сүлһмәрамлыларынын бу тәдбири мүшајиәт етмәсини тәсдиг едән ермәни КИВ-ин јајдығы фактлар Ермәнистан тәрәфинин нөвбәти тәхрибаты ола биләр. Онун сөзләринә ҝөрә, Русија сүлһмәрамлыларынын бу тәдбирлә гәтијјән әлагәси јохдур. Чүнки онлар полис вә ја идарәетмә фәалијјәтини һәјата кечирмирләр, өз вәзифәләрини үчтәрәфли бәјаната ујғун олараг јеринә јетирирләр, орада онларын функсијалары дәгиг мүәјјән едилир. Ермәниләр мәркәзи мејданда өзләрини ассалар да, сүлһмәрамлы гүввәләрин мәсәләдә иштирак етмәси, јахуд да гарышмасы абсурддур, зира онларын белә бир мандаты јохдур. Ермәни фәаллары күтләви шәкилдә интиһар да едә биләрләр, орада ахмаглар чохдур. Әҝәр ағылларыны итирибләрсә, Русија сүлһмәрамлылары буна ҝөрә мәсулијјәт дашымыр. Бу, ермәни ҹәмијјәтинин проблемидир, фашизм вә милләтчилик идеолоҝијасы онларын бејнинә һопуб. Хатырладаг ки, Гарабағ ермәниләринин "миатсум" шүары илә Ханкәндидә кечирдији јүрүшләринә хатир Азәрбајҹанда русијалы сүлһмәрамлылар кәскин тәнгид олунур.
342/
