АБНА24 Хәбәр Верир, Ислам Ингилабынын Бөјүк Рәһбәри Һәзрәт Ајәтуллаһул-үзма Хаменеи Тәбриз әһалисинин 29 Бәһмән, 17 феврал гијамынын илдөнүмү мүнасибәтилә Шәрги Азәрбајҹан вилајәтинин нүмајәндәләри илә видеоконфранс форматында кечирилән ҝөрүшү заманы бујурублар: "Азәрбајҹан хариҹи һүҹумлар гаршысында Иранын мөһкәм галасы олуб, јәни биз һәмишә тәҹавүзкар вә һүҹумчу гоншу, истәр Чар Русијасы,истәр Османлы Империјасы вә ја Совет Иттифагы тәрәфиндән һүҹума мәруз галмышыг вә әҝәр Азәрбајҹан вә Тәбриз олмасајды, әҝәр мүгавимәт ҝөстәрмәсәјди вә онларын гаршысында дајанмасајды, бу һүҹум өлкәнин мәркәзи бөлҝәләрини дә әһатә едә биләрди, Азәрбајҹан даим бу һүҹумлары дәф едән вә гаршысыны алан мөһкәм бир гала олубдур". Һәзрәт Ајәтуллаул-үзма Хаменеи әлавә едибләр: "Тәбриз бөлҝәси вә Азәрбајҹан ики сабит вә даими шәхсијјәт хүсусијјәтинә малик олубдур; Бири Ислам дининә вә мүсәлманлыға дәрин бағлылыг вә диҝәри Ирана гаршы ҝүҹлү бир гејрәт вә дәстәкдир. Бу мүхтәлиф дөврләрдә Азәрбајҹанда мөвҹуд олуб вә азәрбајҹанлылар Ислам вә Ирана о гәдәр әһәмијјәт верибләр вә о гәдәр онларын јолунда ҹанфәшанлыг едибләр ки. Вә бу мәсәлә ки, онлар дәфәләрлә әҹнәбиләрин Ираны парчаламаг вә сепаратчылыг ҹәһдләри гаршысында дајаныблар вә өлкәнин бүтөвлүјүнү горујублар, һәгигәтән бариз вә өнәмли бир хүсусијјәтдир". Ислам Ингилабынын Али Рәһбәри, һәмчинин бу видео ҝөрүшдә Иран халгыны Рәҹәб ајынын ҝәлиб чатмасы мүнасибәтилә тәбрик едибләр вә бујурублар:" Үмид едирәм ки һәр кәс бу ајын мәнәви немәтләриндән бәһрәләнәҹәкдир. Һазырда иҹтимаи топлантылар гадаған едилиб вә кечән илләрдәки кими инсанларын иҹтимаи ибадәтләрдә, дуа вә зикр мәҹлисләриндә иштирак етмәси бу ил мүмкүн дејил, лакин евләрдә Рәҹәб ајынын дуаларындан гафил олмајын вә иҹтимаи топлантыларын мүвәггәти гадаған едилмәси бизи бу мүбарәк ајын немәтләриндән, ибадәтләриндән, дуа вә Аллаһаын дәрҝаһына тәвәссүлдән мәһрум етмәмәлидир".
342/
