АБНА24 Хәбәр Верир, Ислам Ингилабынын Бөјүк Рәһбәри Һәзрәт Ајәтуллаһул-үзма Хаменеи бир мүраҹиәт үнванлајараг, Иранын ҝөркәмли нүвә вә мүдафиә саһәси алими ҹәнаб Мөһсүн Фәхризадәнин шәһидлији мүнасибәти илә башсағлығы вериб, бу ҹинајәти төрәдәнләрин вә она ҝөстәриш верәнләрин ҹәзаландырылмасы, һәмчинин бу шәһидин елми вә техники сәјләринин давам етдирилмәси ваҹиблијини вурғулајыблар. Ислам Ингилабынын Бөјүк Рәһбәри Һәзрәт Ајәтуллаһул-үзма Хаменеи шәһид нүвә алими Мөһсүн Фәхризадәнин террор едилмәсиндән сонра вердији месажын мәтни беләдир: "Аллаһын ады илә بسمالله الرحمن الرحیم Өлкәнин габагҹыл вә ҝөркәмли нүвә вә мүдафиә алими ҹәнаб Мөһсүн Фәхризадә ҹинајәткар вә амансыз муздлулар тәрәфиндән шәһид едилди. Бу бәнзәрсиз елми шәхсијјәт бөјүк вә давамлы елми сәјләринә ҝөрә, әзиз вә гијмәтли ҹаныны Аллаһ јолунда фәда етди. Бу сәбәблә али шәһидлик мәгамы онун илаһи мүкафатыдыр. Ики ваҹиб мәсәлә бүтүн сәлаһијјәтлиләрин ҝүндәминдә ҹидди шәкилдә олмалыдыр. Биринҹиси, бу ҹинајәтин тәгиби вә ҹинајәткарларын вә ҹинајәт әмрини верәнләрин гәти шәкилдә ҹәзаландырылмасы. Икинҹиси, шәһидин мәшғул олдуғу бүтүн саһәләрдә елми вә техники сәјләрин ҝөстәрилмәсидир. Мөһтәрәм аиләсини вә өлкәнин елми иҹтимаијјәтини вә мүхтәлиф саһәләрдәки һәмкарларыны вә тәләбәләрини бу шәһадәт мүнасибәтијлә тәбрик вә башсағлығы верир, вә Аллаһдан онун мәгамыны уҹа етмәсини диләјирәм". Гејд едәк ки, Иранын Мүдафиә Назирлијинин Тәдгигатлар вә Инновасија Тәскилатынын сәдри Мүһсүн Фәхризадә ҹүмә ҝүнү террор һүҹуму нәтиҹәсиндә шәһид едилиб.
342/
