АБНА24 Хәбәр Верир, Сејид Һәсән Нәсруллаһ бу сөзләри Ашура мүнасибәтилә етдији чыхышда дејиб. Сејид Һәсән Нәсруллаһ чыхышынын әввәлиндә дүнјада коронавирус инфексијасынын јајылмасына ишарә едәрәк, бу илки Ашура мәрасимини кәдәрли адландырды. Һәр ил Һүсејн(ә) ашигләринин шөвглә әзадарлыг етдији күчәләр бу ҝүн коронавируса ҝөрә бош галыб. Ливан Һизбуллаһынын баш катиби даһа сонра дејиб: Өз торпагларында, өз өлкәләриндә јашамаг, иззәт вә мүстәгиллијә малик олмаг һаггына саһиб олмалыдырлар. Өлкәләринин тәбии сәрвәтләринин һәгиги саһиби олмалыдырлар. Амма, империалист гүввәләр өз һакимијјәтләрини диктә вә халгларын сәрвәтләрини гарәт етмәк истәјирләр. Нәсруллаһ даһа сонра Јәмән мүһарибәсинә ишарә едәрәк деди: 6 илдир ки, давам едән бу мүһарибәнин башында Америка дајаныр. Әрәбистан вә Бирләшмиш Әрәб Әмирликләри исә Американын силаһларыны алараг, Јәмәнә гаршы истифадә етмәк үчүн васитәдән башга бир шеј дејилләр.
342/
