АБНА24 Хәбәр Верир, Ислам Ингилабынын Бөјүк Рәһбәри Һәзрәт Ајәтуллаһулузма Хаменеи бу ҝүн сәһәр дөвләт һәфтәси мүнасибәтилә өлкә президенти вә Иранын назирләр кабинетинин үзвләрилә видеоәлагәдә сөјләјибләр: Белә нәзәрдә тутмаг лазымдыр ки, санксијалар мисал үчүн, даһа он ил давам едәҹәк. Буна ҝөрә, дахили габилијјәт вә имканлар үзәриндә тәмәркүзләшмәк лазымдыр вә өлкәнин игтисади мәсәләләри хариҹи һадисәләрә ҝөрә, тәхирә салынмамалыдыр. Ислам Ингилабынын Бөјүк Рәһбәри сонра өлкәнин бүтүн рәсмиләри вә мәсул шәхсләринә хитабән белә гејд едибләр: Ислами гурулушда хидмәт ҝөстәрмәк икигат дәјәрә маликдир ки, онун гәдрини билмәлисиниз, зира Ислам Республикасында хидмәт ҝөстәрмәк, ҹәмијјәтин идарә олунмасы вә ҹәмијјәтин гурулмасы үчүн Ислам мејарындан бир тәгдимата көмәкдир. Буна ҝөрә, икигат әһәмијјәтә маликдир. Һәзрәт Ајәтуллаһулузма Хаменеи һәмчинин мүхтәлиф инсан ҹәрәјанларынын ҹәмијјәтин идарә олунмасы саһәсиндәки уғурсузлугларына ишарә едәрәк, Американы доғрудан да мәғлуб олмуш бир мејар кими гејд едиб вә белә сөјләјибләр: Сағламлыг, әдаләт вә тәһлүкәсизлик кими инсани дәјәрләр һәр јердән даһа чох Америкада тапданыр. О һәзрәт сонра вурғулајыблар: Бундан әлавә, дахили вә идарәчилик проблемләри, гәтл, милитаризм вә әмин-амансызлығын јарадылмасы бу ҝүн Сурија, Фәләстин вә Јәмәндә, кечмишдә дә Ираг, Әфганыстан вә Вјетнам вә Хиросима кими бөлҝәләрдә америкалыларын рәваҹ тапмыш ишләриндәндир. Ислам Ингилабынын Бөјүк Рәһбәри Американын тәһгир олмасына сәбәб олан шәхсләрин бу өлкәнин башында дурмаларыны гәрбјөнлүләрин тәнәззүл етмәкдә олан утопијаларынын вә инсани мејарларын мәғлубијјәтинин диҝәр бир нишанәси адландырыб вә белә дејибләр: Исламын ҹәмијјәтин гурулмасы вә гурулушун јарадылмасы үзрә мүстәгил мејары «иман, елм вә әдаләт» кими үч әсаса сөјкәнир. Һәзрәт Ајәтуллаһулузма Хаменеи өз чыхышларынын јекун һиссәсиндә Әмирәлмөминин Әли(ә)-ын «Әҝәр мөминләр бир-бириләринә көмәк етмәкдән әл чәкәрләрсә, мәғлуб оларлар» ҹүмләсинә ишарә едәрәк, вурғулајыблар: Бу, бәшәријјәт үчүн вә бүтүн мөминләр үчүн бир дәрсдир вә бу ҝүн дүшмәнин даим план ҹызмагда олдуғу заманда онун гаршысында план вә програма малик олмаг лазымдыр.
342/
