АБНА24 Хәбәр Верир, АБШ-ын Луизијана Штатынын Лафајт шәһәр полис идарәси ҹүмә ҝүнү ахшам полис тәрәфиндән бир гарадәрилинин гәтлә јетирилмәси һадисәсини арашдырмагла мәшғул олдуғуну елан едиб. Сосиал шәбәкәләрдә ҝениш изләнилән видео-ҝөрүнтүјә әсасән әлиндә бычаг олдуғу ҝүман едилән гарадәрили полис тәрәфиндән ҝүлләләнәрәк, гәтлә јетирилир. Видеода полисин ән азы 10-15 дәфә атәш ачдығы мүшаһидә едилир. Луизијана полиси гәтлә јетирилмиш шәхсин дахил олдуғу мағазада хулиганлыг төрәтдијини билдириб. АБШ полисинин гарадәрилиләрә гаршы амансыз давранышы вә һәддиндән артыг зоракылыг нүмајиш етдирмәсинә етираз олараг артыг бир нечә ајдыр ки, Портләнд шәһәриндә етираз аксијалары кечирилир.
342/
