АБНА24 Хәбәр Верир, бу ҝүн Иран Ислам Шурасы Мәҹлисинин сәдри Мәһәммәд Галибаф иләТүркијә Бөјүк Милләт Мәҹлисинин сәдри Мустафа Шәнтоп арасында телефон данышығы баштутуб. Мустафа Шәнтоп илк олараг Галибафы Гурбан Бајрамы мүнасибәтилә тәбрик едиб. Даһа сонра коронавирус пандемијасы дөврүндә ики өлкәнин сәһијјә назирликләри арасында даим "ҹовид-19" вирусу илә мүбаризә саһәсиндәки тәҹрүбәләрин бөлүшүлмәсинә ишарә едәрәк, бу истигамәтдә давамлы олараг әлагәләрин сахланылдығыны билдириб. Иран вә Түркијә арасындакы гоншулуг мүнасибәтләринә, тарихи вә мәдәни ортаглыглара һабелә, ики өлкә халглары арасындакы јахынмүнасибәтләрә ишарә едән Мустафа Шәнтоп Иран-Түркијә әлагәләринин бүтүн саһәләр үзрә инкишаф етдирилмәсини бир зәрурәт адландырыб. Иран Ислам Шурасы Мәҹлисинин сәдри Мәһәммәд Галибаф да бу телефон данышығында гаршы тәрәфи Гурбан Бајрамы мүнасибәтилә тәбрик едиб. Мәһәммәд Галибаф даһа сонра Иран Ислам Шурасы Мәҹлисиндә достлуг групунун јарадылмасына даир һазырлыг ишләринин ҝөрүлдүјүнү билдириб вә дејиб: Биз Иран-Түркијә Парламент Достлуг Групунун тәшкил едилмәсиндә гәтијјәтлијик. Иран-Түркијә әлагәләринин бүтүн саһәләр үзрә инкишаф етдирилмәсини мүсбәт гаршылајан Галибаф бејнәлхалг вә реҝионал тәшкилатларда да ики өлкә арасындакы әмәкдашлыгларын чохалдылмасына тәкид едиб.
342/
