АБНА24 Хәбәр Верир, Иран сәрһәд полис гүввәләри ҹәнуб-шәрг вилајәти Систан вә Бәлуҹистанда кечирилән ики әмәлијјатда 1600 килограмдан чох наркотик маддә әлә кечириб. Иран сәрһәд полисинин командири, бригада ҝенералы Әһмәдәли Гударзи бу барәдә вердији ачыгламада билдириб ки, Ҹакигур сәрһәд алајынын һәрбчиләри сәрһәд јахынлығында кечирилән әмәлијјат заманы 1350 кг наркотик маддә әлә кечирибләр. Мәлуматда дејилир ки, автомобиллә тәгиб заманы наркотик сатыҹылары илә баш верән атышмадан сонра сәрһәд полиси бир автомобили мүсадирә едиб. Әмәлијјат-ахтарыш тәдбирләри заманы тирјәк вә һәшиш дә дахил олмагла 1339 кг-дан чох ганунсуз наркотик маддә әлә кечирилиб.
342/
