АБНА24 Хәбәр Верир, Ислам Ингилабы Кешикчиләри Корпусу Сепаһ-ын баш команданы ҝенерал-леjтенант Һүсеjн Сәлами бу ҝүн бир груп мүавинләрилә бирликдә Сепаһ-ын Теһранда jерләшән Һәрби Авиасиjа Гүввәләринин Һеликоптер бөлмәләриндән ҝөрүш кечириб. Лазерлә идарә олунан ракет системинин тәгдиматы, Һәрби Авиасиjа Гүввәләринин Фәтһ Һеликоптер Бөлмәсинин наилиjjәтләри сәрҝиси вә jерли мүтәхәссисләр тәрәфиндән jенидән гурулан вертолjотлардан бахыш кечирмәк Ислам Ингилабы Кешикчиләри Корпусу Сепаһын баш команданынын програмларындан иди. Ҝенерал Сәлами ҝөрүш чәрчивәсиндә вурғулаjыб: "Милли тәһлүкәсизлиjин ағырлығынын бөjүк бир һиссәси Сепаһ-ын Гуру Гошунларынын үзәринә дүшүр". "Бу ҝүн Сепаһ-ын Гуру Гошунлары Иранын шималдан тутмуш ҹәнуба гәдәр бүтүн ваҹиб сәрһәд бөлҝәләриндә чох jахшы вә етибарлы мүдафиә мөвгеjи тутубдур", -деjә о, әлавә едиб. Ислам Ингилабы Кешикчиләри Корпусу Сепаһын баш команданы тәһлүкәсизлик вә мүдафиә әмәлиjjатларынын мүхтәлиф дәстәjә еһтиjаҹлы олдуғуну билдирәрәк, Сепаһ-ын Гуру Гошунлары үчүн һеликоптер дәстәjинин бир зәрурәт олдуғуну вурғулаjыб. Сепаһ-ын Гуру Гошунларынын Һеликоптер бөлмәсинин габилиjjәтләринә тохунан ҝенерал Сәлами деjиб: "Сепаһ-ын Гуру Гошунлары һүҹум вә дөjүш һеликоптерләри саһәсиндә хүсусилә сон илләрдә әһәмиjjәтли дәрәҹәдә инкишаф едибләр вә дөjүш һеликоптерләринин габилиjjәтләрини артырыблар". Ислам Ингилабы Кешикчиләри Корпусу Сепаһ-ын баш команданы Һәрби Авиасиjа Гүввәләринин мүхтәлиф саһәләр үзрә өзүнү тәмин һәддинә чатдығыны билдирәрәк, геjд едиб ки, базаларын вә тәмир мәркәзләринин модернләшдирилмәси хүсусилә бу гүввәләрин һиссәләрин дүзәлдилмәсиндә бир ингилаб jаратмасы илә диҝәр өлкәләрдән һиссәләрин тәдарүкүнә еһтиjаҹ галмаjыб.
342/
