АБНА24 Хәбәр Верир, Репорт, ТАСС-а истинадән хәбәр верир, "Дүнjа рәгабәтини унутмаjын - Чинлә вә бир чох дүнjа өлкәләри илә. Биз инанылмаз игтисади рәгабәт вәзиjjәтиндәjик, һәмчинин Авропа илә, һансы ки, һеч вахт бизә jахшы мүнасибәт бәсләмәjиб. Авропа Бирлиjи АБШ-дан өз мараглары үчүн истифадә етмәк үчүн jарадылмышды. О jарадылды вә онлар АБШ-дан истифадә едирләр. Мән буну билирәм, онлар билирләр ки, мән буну билирәм, амма башга президентләр бу анлаjыша малик деjилдиләр", - деjә Ағ Евдә мәтбуат конфрансында АБШ лидери деjиб. “Репорт” хатырладыр ки, Авропа Бирлиjи (әввәлки Авропа Игтисади Бирлиjи-ред) 1957-ҹи илдә Алманиjа, Франса, Италиjа вә Бенилүкс өлкәләри тәрәфиндән jарадылыб. Сонралар Бөjүк Британиjа да ики дәфә гурума үзвлүк үчүн мүраҹиәт едиб. Лакин Франсанын о заманкы Президенти Шарл де Голл Инҝилтәрәнин АБШ jөнлү сиjасәт jүрүтдүjүнү әсас ҝәтирәрәк Британиjанын Авропа Игтисади Бирлиjинә үзвлүjүнә вето гоjуб. Јалныз Шарл де Голлун һакимиjjәтдән ҝетмәсиндән сонра Британиjа бирлиjә үзв гәбул ола билиб.
342/
