АБНА- Әһли Бејт (әлејһимус-сәлам) Хәбәр Аҝентлијинин вердији хәбәрә әсасән, Сәуд тәҹавүзкарларынын ҹүмә ҝүнү ҝеҹә Јәмәнин шималындакы Әлҹуф вилайәтинин Әлмәслуб шәһәринин йашайыш массивләринә гаршы һава һүҹумунда азы 40 йәмәнли мүлки өлүб вә йараланыб.
Иран Хариҹи Ишләр Назирлийинин сөзчүсү Сеййед Әббас Моусәви бу ҝүн сәуд тәҹавүзкарларынын Әлмәслуб шәһәринә вә Јәмәнин мәзлум халгына гаршы һүҹуму гурбанларынын аиләләрини кәдәринә шәрик чыхараг, дейиб: Сәуд коалисийасы гүввәләринин саваш мейданларында биабырчы мәғлубиййәтләрә дүчар оларкән американ силаһларла гадынлар вә ушаглар дахил олмагла мүлкиләри гырғын едирләр.
“Јәмәндә инсан фаҹиәсинә сон гойулмалыдыр!” дейән Моусәви сөзләринә белә давам едиб: Бейнәлхалг иҹтимаиййәтин Јәмәндәки һәрби ҹинайәтләр гаршысында сусмасы онларын амилләрини даһа чох мүлкини гырмагда даһа да һәйасызлашдырыб вә бүтүн бейнәлхалг ганунларын вә инсан һагларынын тапданмасынын давам етмәсинә баис олубдур.
АБШ-дан, әмирликләрдән вә бир нечә диҝәр өлкәдән дәстәк алан Әрәбистан 2015-ҹи илин мартында Јәмәнә сохулараг, бу өлкәни гуру, дәниз вә һавадан мүһасирәйә алды. Әррийадын вә мүттәфигләринин Јәмәндәки тәҹавүзкарлыглары индийәдәк 16 миндән чох йәмәнлинин өлүмүнә, он минләрлә йәмәнлинин йараланмасына вә милйонларла йәмәнлинин дидәрҝин дүшмәсинә ҝәтириб чыхарыбдыр.
Әрәбистанын һәрби тәҹавүзү һәмчинин йохсул Јәмән өлкәсини кәскин гида вә дәрман чатышмазлығы илә үзләшдирибдир.
...........
340
17 fevral 2020 - 09:44
Xəbər kodu: 1011066
Иран Ислам Республикасы Хариҹи Ишләр Назирлийинин сөзчүсү сәуд коалисийасы гүввәләринин Јәмәнин Әлҹуф вилайәтинин Әлмәслуб шәһәринә гаршы ҹинайәткарҹасына һүҹумуну писләйиб.
