ӘһлиБејт (әлејһимус сәлам) Хәбәр Аҝентлији АБНА-нын вердији мәлумата ҝөрә, Иран Ислам Республикасынын Ҹеневрәдәки сүлһмәрамлы сәфири ҹәнаб Исмаил Бәгаи 2020-ҹи ил үчүн БМТ-нин тәрксилаһ конфрансынын илк иҹласында чыхыш едиб. О, чыхышында АБШ-ын горхагҹасына Маршал Шәһид Сүлејмани вә јолдашларыны террор етмәсинә тохунуб вә бу террору бөлҝәдә сүлһ вә тәһлүкәсизлијә вурулан горхунҹ бир зәрбә адландырараг дејиб: "Америка бу һәрәкәти илә бәшәријјәт сивлизасијасынын әсасларыны ҝүлүнҹ објектинә чевирмиш вә бејнәлхалг инсан һаггларыны кобуд шәкилдә позмушдур."
Ҹәнаб Бәгаи Иран Ислам Республикасынын Америка Бирләшмиш Штатларынын төрәтдији ҹинајәтләр гаршысында атдығы бүтүн аддымлары бејнәлхалг һагглара ујғун олдуғуну вурғулајыб. О, дејиб: "Өз һүгугларындан мүдафиә етмәк ИИР-ын һаггыдыр. Иран Ислам Республикасы там гәтијјәтлә өз гануни һакимијјәтини, әрази бүтөвлүјүнү мүдафиә едәҹәкдир."
Иран Ислам Республикасынын Ҹеневрәдәки сүлһмәрамлы сәфири вурғуалјыб: "Зоракылыг, гаршыдурма, террор, сабитсизлик, халглар арасында тәфригә салмаг кими бүтүн шәр ишләр бөлҝә өлкәләриндә Америка Бирләшмиш Штатларынын һәрби гүввәләринә бағлыдыр. АБШ ИИР дахил олмагла диҝәр өлкәләрә гаршы јүрүтдүјү давакар сијасәтләринин мәсулијјәтини дашымалыдыр."
Бәгаи ҹәнаблары даһа сонра билдириб: "Бөјүк һәрби мәмурун мүстәгил бир өлкәнин дәвәти илә о өлкәјә рәсми сәфәр едәркән террор едилмәси бејнәлхалг аләмдә сүкүтла гаршыланды. Бу сүкут террор амилләрини даһа да кобудлашдырыб, даһа да белә бир ҹинајәтләри төрәтмәјә һәвәсләндирир."
Иран Ислам Республикасынын сүлһмәрамлы сәфири АБШ сәфиринин јаланларына реаксија верәрәк вурғулајыб: "Јалан данышмаг вә дамғаламагла сиз көкү јалан үзәриндә гурулмуш, етибарын итирмиш, диҝәр өлкәләрә гаршы гулдур сијасәтләри јүрүтмәклә мәшһур олан дөвләтинизин һесијјатыны ҝери гајара билмәзсиниз..."
Чыхышынын сонунда Иран Ислам Республикасынын Ҹеневрәдәки сүлһмәрамлы сәфири ҹәнаб Исмаил Бәгаи АБШ сәфиринә мүраҹиәт едәрәк дејиб: "Сиз Иран халгынын гәһрәман оғлуну террор етдиниз. Амма өзүнүз дә билмәдән Сәрдар Сүлејманини шәһадәтә јетирмәклә онун шәһадәтини, Иран халгынын көнүлләриндә зүлм вә әдаләтсизлијә гаршы мүгавимәт ҝөстәрмәк үчүн әбәди бир илһамвериҹи мәнбәјә чевирдиниз."
Диггәт: Хәбәрдән истифадә етдикдә мәнбәјә истинад лазымдыр!
