Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Иран Ислам Республикасынын мөмин ҝәнҹләрдән ибарәт ағырлыггалдырма үзрә јығма командасы Өзбәкистанын пајтахты Дашкәнддә кечирилән 2018-ҹи ил дүнја чемпионатында үчүнҹү ил далбадал бу јарышларын галиби олуб.
Иранлы ҝәнҹләр ики гызыл, үч ҝүмүш вә үч бүрүнҹ медал газанараг, ағырлыггалдырма үзрә дүнја чемпиону олуб.
Өзбәкистан, Түркијә вә АБШ јығмалары мүвафиг олараг икинҹидән дөрдүнҹүјәдәк олан јерләри тутублар.
Гејд едәк ки, Ислам Республикасынын ҝәнҹләрдән ибарәт ағырлыггалдырма үзрә јығма командасы бундан өнҹә 2017-ҹи ил Јапонија вә 2016-ҹы ил Ҝүрҹүстан дүнја чемпионатларынын биринҹиси олубдур.
Ијулун алтысында башланан 2018-ҹи ил дүнја чемпионаты бу ҝүн баша чатыбдыр.
Диггәт: Хәбәрдән истифадә етдикдә мәнбәјә истинад лазымдыр