Әһли Бејт (әлејһимус сәлам) -АБНА- Хәбәр Аҝентлији- Јени тәһсил илиндә “һиҹаб гадағандыр” дејәрәк, өлкәдә тәләбә вә шаҝирдләри тәһсилдән јајындырмаға чалышанларын варлығына бир даһа шаһид олдуг.
Илкәввәлуниверситетдәбугадағаныеланетдиләр. Һәтта медиада бу университетин проректорларындан бири “Илһам Әлијев “һиҹаб сәрбәстдир” десә дә, “биз һиҹаблы тәләбәләрин университетә ҝәлмәсинә изин вермирик”" кими ачыгламаларынын да шаһиди олдуг.
Сонра мәктәб директорунун “бизә шаҝирдләрин һиҹабла мәктәбә бурахылмамасы тапшырылыб” ифадәси ҝөздән гачмады.
Тәһсилназирлијининишчиләрининфәрглиачыгламаларыныдаизләдик.
Назирлик ишчиләриндән биринин назирин һиҹаба иҹазә вермәси илә бағлы ачыгламасы да ҝүндәмә ҝәлди…
Президент Илһам Әлијев “һиҹаб гадаған дејил” дејир, диҝәр тәрәфдән һиҹабы гадаған едән гүввәләр мејдан сулајырлар. Бу мәсәләнин архасында нә дурур?
Бу мәсәләјә гајыдаҹағам...
Сон заманлар Иран-Азәрбајҹан арасында әлагәләр медиадан изләдијимиз кими, инкишафа доғру ҝедир. Өлкәнин рәһбәр шәхсләри бир-биринин ардынҹа бу мүнасибәтләрин јүксәк сәвијјәдә олмасындан данышырлар.
Бу әлагәләрин писләшмәси үчүн бир гүввә һәмишә сәфәрбәр олуб, олаҹаг да. Исраил режими вә онлара бағлы гүввәләр Иран-Азәрбајҹан әлагәләрини һәр бир јолла писләшдирмәјә мејиллидирләр.
Иран сәфири мүсаһибәләриндән бириндә дә бу мәсәләјә ишарә етди.
Һәтта “пилотсуз тәјјарә” олајы ики өлкә арасында мүнасибәтләрин корланмасына сәбәб олмады. Дүздүр, бу мәлуматларда Азәрбајҹанын ады рәсми олараг һалланмаса да, Иран медиасы үстү өртүлү вә ја мүхтәлиф јолларла пилотсуз тәјјарәнин Нахчыван әразисиндән чыхмасына ишарә етди. Әлбәттә ки, Иран медиасында бу һагда ҝениш мәлумат, ачыг иттиһам вә рәсми ачыгламалара раст ҝәлинмәди вә бу да ики өлкә арасында олан әлагәләрин писләшмәмәси үчүн Иран дөвләти тәрәфиндән бу хәбәрә сензура гојулдуғу тәәссүраты јаратды.
Јухарыда гејд етдијим кими, Исраил тәрәфи јени планлар ардынҹадыр. Ән ҝөзәл план исә диндарлар үзәриндән Иран әлагәләрини корламагдыр. Исраилин гара гүввәләри ҝөзәл билирләр ки, Ирандакы мәрҹеји тәглидләр Ислами атрибутлара гаршы олан аддымлара даим етираз етмиш вә едәҹәкләр. Одур ки, өлкәдә мәсәләси чохдан һәлл олунмалы һиҹаб проблеми јенидән ҝүндәмә ҝәлдији тәгдирдә, диндарлар јенә сәһнәјә ҝирәҹәк вә мәрҹәијјәт дә онлары тәгдир едәҹәкдир. Азәрбајҹан тәрәфи мәрҹәијјәтин бу ачыгламаларыны “өлкәнин дахили ишләринә гарышма” кими гијмәтләндирәҹәк, һәтта бәзи гара медиа бу мәрҹеји тәглид мүҹтәһидләрини тәһгирдән дә чәкинмәјәҹәк. Експертләр ачыгламалар верәҹәк, бу јөндә ҝүндәм тәнзимләмәләр башланаҹагдыр. Исраил тәрәфинин һесабламаларына ҝөрә, бу тәһгирләрдән сонра һансыса иранлы ҝенерал ачыглама верәҹәк вә бу да ики өлкәнин сон бир нечә илдә әлагәләринин корланмасына ҝәтириб чыхараҹаг.
Гејд едим ки, фикирләримин башга ҹүр јозулмамасы үчүн бу ҹүмләни дә гејд едирәм; мөминләрин истәнилән вахт өз һүгугларыны Конститусијаја әсасән мүдафиә етмәси һаглы олмуш вә олаҹагдыр. Бүтүн мәсулијјәт исә дөвләтин һиҹабы гадаған етмәмәсинә бахмајараг, һиҹаб гадағасыны иҹра етмәјә чалышанларда вә онлара әмр едәнләрдәдир...
Рамин Бајрамов
Исламазери.аз Интернет Гәзетинин
баш редактору
Диггәт: Хәбәрдән истифадә етдикдә мәнбәјә истинад лазымдыр