Әһли-Бејт (әлејһимус сәлам) Хәбәр Аҝентлији – АБНА: Бу ҝүн Азәрбајҹан Республикасы дөвләтинин нүмајәндәләри илә Гарабағ сакинләринин нүмајәндәләри арасында Хоҹалыда кечирилән нөвбәти ҝөрүшдә әлдә олунмуш разылыглар барәдә мәлумат јајылыб.
Мәлумата ҝөрә, тәклиф олунуб ки, Ханкәнди шәһәри јахынлығында вә ја Хоҹалы истигамәтиндә Азәрбајҹан вә ермәниәсилли тибб һејәти тәрәфиндән сәһијјә хидмәтләринин бирҝә тәгдим олунмасы үчүн сәһра һоспиталы гурулсун.
Мәлуматда билдирилир ки, Гарабағ игтисади рајонунда јашајан ермәниәсилли вәтәндаш ҹәмијјәти тәмсилчиләри вә иҹтимаи фәалларын Бакыја вә ја Азәрбајҹанын диҝәр шәһәрләринә сәфәрләринин тәшкил едилмәси тәклифи вурғуланыб вә бу ҹүр тәшәббүсләрин вәтәндаш ҹәмијјәти диалогу платформасынын јарадылмасы, еләҹә дә етимад гуруҹулуғу тәдбирләринин һәјата кечирилмәси бахымындан әһәмијјәтли олдуғу гејд едилиб.
Сосиал шәбәкә истифадәчиләринин шәрһләринин арашдырылмасы ҝөстәрир ки, Азәрбајҹан Республикасы вәтәндашлары, Гарабағ ермәниләрини өз шәһәрләриндә ҝөрмәк истәмирләр. Бу реаллыг исә рәсми Бакынын тәләсик тәдбирләринә рәғмән реинтеграсија гаршысында ҹидди проблемләрин олаҹағыны демәјә әсас верир. Һәмчинин бәзи истифадәчиләр Ханкәнди шәһәри јахынлығында сәһра һоспиталынын јарадылмасы тәклифинә “Нијә Ханкәндинин өзүндә дејил онун јахынлығында?” суалы илә реаксија верибләр. Бәзиләри бунун сәбәбинин Ханкәндинин ән азындан 2025-ҹи иләдәк Русијанын нәзарәтиндә галаҹағы илә изаһ едибләр.
Диггәт: Хәбәрдән Истифадә Етдикдә Мәнбәјә Истинад Лазымдыр!