Бејрутун ҹәнубунда мүгавимәт командирләриндән олан Мустафа Бәдрәддинин шәһадәтинин илдөнүмү ҝүнү мәрасиминдә чыхыш едән Сејид Һәсән Нәсруллаһ гејд едиб ки, Нетанјаһунун мәгсәди, өз һөкумәтиндә јаранмыш гарышыглыгдан, бу режими һәдәләјән икитирәлик, аксијалар вә дахили бөһрандан гачмаг олубдур.
Мүгавимәт групларынын ваһид мөвгеји, бу груплара гаршы фитнәкаралыг вә онлары мәһдудлашдырмаг нијјәтини уғурсуз гојду вә дүшмәнин өз мәгсәдләриндән һеч биринә чатмамасына сәбәб олду- дејә, Ливан Һизбуллаһынын баш катиби вурғулајыб.
Сејид Һәсән Нәсруллаһ әлавә едиб: Дүшмән ҝөзләјирди ки, Гәззәдән тәкҹә ики ракет атылаҹаг, лакин фәләстинли груплар бу режими изтираба салдылар.
Нетанјаһу һазырда сионистләрә дејә билмир ки, чәкиндириҹилик ҝүҹүмүзү јенидән әлдә етмишик, зира вәдләрини вердији һәдәфләрдән һеч бири һәјата кечмәјибдир. Бу нәтиҹә, мүгавимәт груплары арасындакы бирлијин һесабына әлдә олунуб- дејә, Ливан Һизбуллаһынын баш катиби гејд едиб.
Сејид Һәсән Нәсруллаһ Сурија барәдә исә белә сөјләјиб: Бәзиләринин Сурија вә Иран барәдәки ифадәләрини дәјишдикләрини ҝөрмәк, тәбии бир һалдыр, зира онларын әввәлки дүшүнҹәләри јанлыш иди. Сурија өз јериндә галды, мөвгејини дә дәјишмәди.
О, әлавә едиб: Сејид Ибраһим Рәисинин Дәмәшгә сәфәри Суријанын әрәб дүнјасынын гојнуна гајытдығы шәратдә баш тутду вә Иранла Сурија арасында имзаланмыш мүгавиләләр бөјк әһәмијјәт кәсб едир.
342/