Әһли-Бејт
(әлејһимус сәлам) – Хәбәр Аҝентлији АБНА-нын вердији мәлумата әсасән, Иран Ислам
Республикасынын Әрбәин Мәркәзи Гәрарҝаһынын иҹрачы директору Әрбәин Мәркәзи Гәрарҝаһынын
Мәдәнијјәт вә Тәһсил Комитәсинин үчүнҹү иҹласында дејиб:
“Буилки Әрбәин мәрасими Сәфәр ајынын биринҹи ҝүнү (августун 18-и) башлајаҹаг.”
Үмид Көвсәрифәр әлавә едиб:
“Өтән ил мөвҹуд олан мүзакирәләрдән бири дә Ирагда Әрбәин әмәлијјатларынын һәјата кечирилмәсиндән өнҹә Әрбәин зәвварларынын Ирага дахил олмасы мәсәләси иди.”
О, Ираг мокәбләринин сәфәр ајынын 10-да хидмәтә башлајаҹағыны билдириб вә әлавә едиб:
“Әрбәин гәрарҝаһынын гәрары илә, Әрбәин програмынын һәјата кечирилмәси сәфәр ајынын 1-дән 25-нә (18 августдан 11 сентјабр тарихинә) кими давам етмәлидир.”
Әрбәин гәрарҝаһынын рәһбәри һәмчинин ҹари илдә Әрбәин илә бағлы ишләрин асанлашдырылмасы үчүн Ираг Дахили Ишләр Назирлији илә јахшы анлашмалар барәдә мәлумат вериб вә билдириб ки, сыхлыг вә ҝеҹикмәләрин гаршысыны алмаг мәгсәди илә Ирагла разылашдырылыб ки, Иранлы зәвварларын сәјаһәт етмәси үчүн Әрбәин заманы хүсуси вә мүвәггәти паспортлар верилсин.
Диггәт: Хәбәрдән Истифадә Етдикдә Мәнбәјә Истинад Лазымдыр!