Әһли-Бејт
(әлејһимус сәлам) – Хәбәр Аҝентлији АБНА-нын вердији мәлумата әсасән, Иран Ислам
Республикасынын Президенти, ҹәнаб Рәиси өтән чәршәнбә ахшамы ахшам Ирагын Али Мәһкәмә
Шурасынын сәдри Фаиг Зиданла кечиртдији ҝөрүшдә онун мүгавимәт командирләринин террор
едилмәси илә бағлы апарылан истинтаг барәсиндәки изаһатына ишарә едәрәк дејиб:
“Ираг һөкумәтинин вә мәһкәмә системинин шәһид Гасым Сүлејмани вә Әбу Меһди Әл-Мүһәндисин террор едилмәсиндә америкалыларын дәһшәтли ҹинајәт ишини тәгиб етмәси, бу ҹинајәти төрәдән командирләрини, идарәчиләрини вә иҹрачыларыны Әдаләт мәһкәмәсинә верилмәсиндәки ирадәси бизә ајдындыр.”
Рәиси, террорла мүбаризә уғрунда гәтлә јетирилән командирләрин өлдүрүлмәси илә бағлы әдаләтин иҹра едилмәсинин ҝеҹикдирилмәмәсинә ишарә едәрәк дејиб:
“Нәтиҹә әлдә олунана гәдәр бу иши давам етдирмәк ону ҝөстәрәҹәк ки, Иран вә Ираг әдаләтин һәјата кечирилмәсиндә һеч бир әһд-пејмана әмәл етмәјән гүввәләрә әһәмијјәт вермир.”
Президент Теһран вә Бағдад арасында енержи саһәсиндә ҝениш әмәкдашлығын давам етдирилмәсинә тохунараг, Ираг һөкумәтинин үзәринә ҝөтүрдүјү өһдәликләрә әмәл етмәси вә иҹрасыны сүрәтләндирмәсинин ваҹиблијини вурғулајыб.
Ҝөрүшдә Ирагын Али Мәһкәмә Шурасынын сәдри Фаиг Зидан да Иран Ислам Республикасы илә мәһкәмә әлагәләри вә әмәкдашлығын ҝенишләндирилмәсинин ваҹиблијини вурғулајыб.
“Ики гоншу вә гардаш өлкә арасында мәһкәмә әмәкдашлығынын ән мүһүм нүмунәләриндән бири террорла мүбаризә апаран лидерләрини шәһид етмәк кими террор ҹинајәтиндә иштирак етмиш бүтүн инсанларын мүһакимә олунмасыдыр”,- дејә Фаиг Зидан билдириб.
Ирагын Али Мәһкәмә Шурасынын рәһбәри һәмчинин Иранын Ирага газ вә електрик сатышы илә бағлы борҹларынын өдәнилмәси үчүн Ираг дөвләтинин ҝөрдүјү ишләр һаггында һесабат тәгдим едиб.
Диггәт: Хәбәрдән Истифадә Етдикдә Мәнбәјә Истинад Лазымдыр!