Ҝөрүшдә, Ирагын реҝионда мүһүм өлкә олдуғуна ишарә едән Ајәтуллаһүл-үзма Хаменеи бу өлкәнин инкишаф етмәсинин вә реал мөвгејинә чатмасынын Иранын хејринә олдуғуну билдириб.
Әл-Суданинин Ираг һөкумәтинин башчысы тәјин олунмасындан мәмнунлуг ифадә едән Алимәгамлы Рәһбәр ону јени вәзифәси мүнасибәтилә тәбрик едиб
Ајәтуллаһүл-үзма Хаменеи Мәһәммәд Шиа Әл-Суданини "мөмин вә истедадлы" адландырыб.
О, һәзрәт Ирагын һәгиги мөвгејинә чатмасы үчүн өлкәдәки сијаси групларын бирлик вә һәмрәјлијинин ваҹиб олдуғуну вурғулајыб вә Ираг рәсмиләринә хитабән дејиб: "Ҝәнҹләрин ҝүҹүнә архаланараг, өлкәнин тәрәггисини истәмәјән Ираг дүшмәнләринә гаршы дурун".
Ираг баш назиринин "Конститусија чәрчивәсиндә һеч бир тәрәфин Ираг әразисиндән Иранын тәһлүкәсизлијинә гаршы истифадә етмәсинә иҹазә вермәјәҹәјик" сөзләринә тохунан Һәзрәт Ајәтуллаһүл-үзма Хаменеи бујуруб: "Тәәссүф ки, Ирагын бәзи бөлҝәләриндә бу һадисәләр баш верир вә онун вар јеҝанә һәлл јолу Ираг һөкумәтинин бу бөлҝәләрә нәзарәт етмәсидир".
О, Һәзрәт Ирагын бирлијинин зәрурилијинә ишарә едәрәк, Ираг һөкумәтини милләтин бејнәлхалг сәһнәдә лајигли мөвгејә чатмасына көмәк етмәк үчүн ҝәнҹ вә садиг инсанлардан истифадә етмәјә чағырыб.
Алимәгамлы Рәһбәр Ирагын тәһлүкәсизлијинин әһәмијјәтинә тохунараг, бујуруб: "Биз Ирагын тәһлүкәсизлијини Иранын тәһлүкәсизлији кими ҝөрүрүк. Тәбии ки, Иранын тәһлүкәсизлији Ирага да тәсир едир. Әҝәр һәр һансы тәрәф Ирагын тәһлүкәсизлијини позмаг истәсә, биз синәмизи она гаршы сипәр едәҹәјик вә Ирагы горујаҹағыг".
Ҝөрүшдә президент Сејид Ибраһим Рәиси дә иштирак едиб.
342/