Бу ири һәрби тәлимләрин кечирилмәси, гуру гошунларынын дөјүш һазырлығыны јүксәлтмәк мәгсәдилә вә иллик бәјан едилмиш тәгвимә ујғун сурәтдә Ислам Ингилабы Кешикчиләри Корпусу- Сепаһ-ын тапшырыгларынын иҹрасы истигамәтиндә тәшкил едилир.
Сепаһ-ын гуру гошунларынын команданы бригада ҝенералы-пасдар Мәһәммәд Пакпур билдирибДИ ки, һава-десант әмәлијјаты, ҝеҹә һүҹуму әмәлијјаты, һеликоптерләрин дөјүш әмәлијјаты, дөјүш вә камикадзе пилотсузлары әмәлијјаты, һәмчинин Араз чајы үзәриндә көрпү иншаетмә әмәлијјаты, говшаг јолларынын әлә кечирилиб, нәзарәтә алынмасы, јүксәкликләрин әлә кечирилмәси вә һүҹум тәхрибатлары бу һәрби тәлимләрин мүхтәлиф бөлмәләриндәндир.
Ҝенерал-пасдар Пакпур әлавә едиб: Бу һәрби тәлимләрин гоншу өлкәләрә месажы, сүлһ, достлуг вә стабил тәһлүкәсизлијин мөһкәмләндирилмәси, дүшмәнләрә месажы исә Сепаһ-ын гуру гошунларынын диҝәр силаһлы гүввәләрин кәнарында өлкә сәрһәдләрини мүдафиә етмәси вә һәр һансы тәһдидә гаршы гәтијјәтли ҹаваб вермәсидир.
Ислам Ингилабы Кешикчиләри Корпусу- Сепаһ-ын гуру гошунлары Сепаһ мәҹмуәсинин алтында олан беш гүввәдән бири олуб, јүз мин нәфәрдән чох фәал гүввәјә малик олмагла бу ингилабчы органын әсас корпусуну тәшкил едир.
342/